| e-texts navigator |
| Wylie |
12a1 མི་བཏུང་།། རྡོ་རྗེས་གཏམ་པའི་བྲག་མི་བཤིག། རྡོ་རྗེའི་ར་བའི་རྨང་མི་འདྲལ།། མུན་པ་སེལ་བའི་སྒྲོན་མི་གསད།། རྡོ་རྗེ་ཆུ་བོའི་རྐ་མི་གཅད།། རྒྱལ་པོའི་ཕྱག་རྒྱའི་རྟགས་མི་དབྱི།། རྡོ་རྗེའི་རྫོང་གི
12a2 བྲག་མི་བཤིག། རིན་ཆེན་རྒྱལ་མཚལ་རྩེ་མི་དབྲོག། ལྷག་པའི་དམ་ཚིག་བསྲུང་བར་བཤད།། བརྟུལ་ཞུགས་ལམ་ལས་ཅིག་ཅར་བགྲོད།། འབྲས་བུ་བགྲོད་ཐོབ་ལྷུན་གྱིས་གྲུབ།། ལས་དང་སྦྱོར་བ་ཀུན་དང
12a3 ལྡན།། མཐུ་སྟོབས་བྱིན་རླབས་ཤུགས་ཀྱིས་འབྱུང་།། དམ་ཅན་རྒྱ་མཚོ་དེར་གནས་འགྲུབ།། དེ་མ་ཡིན་ན་མཛེ་དང་གཡན།། དུས་མིན་ཚེ་ཟད་མནར་མེད་འཕོ།། ལེགས་ཉེས་བགྲོད་མེད་གཉིས་གར་བྱེད།། བསྲུང
12a4 ལས་འདས་ཤིང་གཉིས་སུ་མེད།། རང་བཞིན་གནས་དང་ཤུགས་ཀྱིས་རྫོགས།། ལྟ་བའི་དམ་ཚིག་ཆེན་པོར་བཤད།། དཔལ་ཚེ་བདག་གི་དགོངས་རྒྱུད་ནག་པོ་ལས། དཀའ་ཐུབ་དམ་ཚིག་གི་ལེའུ་སྟེ་དྲུག
12a5 པའོ།། །། དེ་ནས་འཁོར་གྱི་ནང་ནས་རྡོ་རྗེ་སྙིང་པོ་སྟན་ལས་ལངས་ནས། བཅོམ་ལྡན་འདས་ལ་གསོལ་པ། རྒྱལ་བ་ཀུན་གྱི་རང་བཞིན་དངོས།། གསང་སྔགས་ངོ་བོ་དེ་ཉིད་ལགས།། འཇིག་རྟེན་འདས་དང
12a6 མ་འདས་པའི།། དྲེགས་པ་མཐུ་རྩལ་ལྡན་པ་ཀུན།། བཀའ་བཞིན་ཉན་པ་ཅི་ཡི་ཕྱིར།། ལྷུན་གྲུབ་ཕྱག་རྒྱ་ཟིལ་གནོན་སྐུ།། གཉེན་པོ་གང་གིས་འདུལ་བ་ལགས།། དྲག་པོའི་གདུལ་བྱ་གང་ལགས་པ།། འཁོར་ལ་རྒྱས
iiif viewer powered by OpenSeadragon
