| e-texts navigator |
| Wylie |
129b1 དུ།། མ་བསྐུར་བསྐུར་མེད་ཡེ་ནས་བསྐུར།། སྐྱེས་བུ་རིག་པའི་རྩལ་ལྡན་ལ།། དབང་མཆོག་ཆེན་པོ་རྒྱུན་ཏུ་གནས།། དཀའ་ཐུབ་དམ་ཚིག་སྡོམ་པའི་དོན།། ཆོས་རྣམས་མ་ལུས་ཀུན་གྱི་གཞི།། ངོ་བོ་ཆོས་སྐུ་བྱང་ཆུབ
129b2 སེམས།། འཁོར་འདས་ལྷུན་གྲུབ་དང་རྫོགས་ལ།། དམ་ཚིག་ཆེན་པོ་དེ་ཉིད་གསུང་།། ཕྲིན་ལས་མ་བཙལ་རོལ་པའི་རྒྱན།། སྒྱུ་མ་ལྷུན་གྲུབ་རོལ་པར་ཤར།། དུས་གསུམ་རྒྱལ་བའི་བྱིན་བརླབས་སྟོབས།། མ་ལུས
129b3 འདུས་པ་རྡོ་རྗེའི་བཀའ།། གཞི་དང་ལམ་དང་འབྲས་བུའི་རྒྱུད།། ལྷ་སྤྱོད་དཀྱིལ་འཁོར་དམ་ཚིག་དབང་།། ལས་རིམ་བསྒྲུབ་པ་གསང་སྔགས་དང་།། ངོ་བོ་འབྲེལ་བཅས་རྒྱུ་དང་རྐྱེན།། རང་བཞིན་གནས་དང་མངོན
129b4 བྱེད་པ།། གསང་སྔགས་རྒྱུད་ཀྱི་ངེས་པ་བཤད།། ཅེས་གསུངས་སོ།། འཕགས་པ་འཇམ་དཔལ་གཤིན་རྗེའི་རྒྱལ་པོ་སྡིག་པ་སྟོབས་ཆེན་གསང་བའི་རྒྱུད་ལས། གསང་ཚིག་སྔགས་ཀྱི་སྦྱོར་བ་བསྟན་པའི་ལེའུ་སྟེ
129b5 གཉིས་པའོ།། །། དེ་ནས་མཐུ་སྟོབས་ཀྱི་བདག་པོ་རྡོ་རྗེ་སྙིང་པོས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། རྒྱལ་བ་ཀུན་གྱི་རང་བཞིན་དངོས།། གསང་སྔགས་ངོ་བོ་དེ་ཉིད་གང་།། འཇིག་རྟེན་འཇིག་རྟེན
129b6 འདས་པ་ཡི།། དྲེགས་པ་མཐུ་སྟོབས་ལྡན་པ་ཀུན།། བཀའ་བཞིན་ཉེ་བ་ཇི་ལྟ་བུ།། ལྷུན་གྲུབ་ཕྱག་རྒྱ་ཆེན་པོ་ཡིས།། དྲག་པོས་གདུལ་བྱ་གང་ལགས་པ།། འཁོར་ལ་རྒྱས་པར་བཤད་དུ་གསོལ།། ཞེས་གསོལ་པས།།
iiif viewer powered by OpenSeadragon
