| e-texts navigator |
| Wylie |
129a1 ལ་རག་མ་ལུས།། བསྙེན་བསྒྲུབ་བྱེད་གོལ་མཐར་མ་ལྷུང་།། རེ་དོགས་བྲོད་པའི་གཡང་ས་མེད།། རྫས་དང་སྦྱོར་བའི་འཕྲོ་འདུ་བྲལ།། མཆོད་དང་རྫས་ལ་རྟེན་མི་འཆའ།། ཆགས་སྡང་རྒྱུ་རྐྱེན་དབྱེར
129a2 མེད་འཇོམས།། ས་དང་ལམ་ལ་བགྲོད་པ་མེད།། དེ་བཞིན་ལྷ་ཡི་ངོ་བོ་ནི།། ཏིང་འཛིན་གྲིམས་པའི་ཕྲིན་ལས་མིན།། གཞི་རྩ་མེད་པའི་ཡེ་ཤེས་ཏེ།། རྒྱུ་དང་རྐྱེན་ལ་རག་མ་ལས།། སྨིན་དང་མ་སྨིན་ཉེ་རིང
129a3 མེད།། ཕྱག་རྒྱ་གསལ་བས་ལྷུན་གྱིས་གྲུབ།། ཕྱག་རྒྱ་རྫོགས་པས་ཞིང་ཁམས་རྫོགས།། ཕྱག་རྒྱ་གྲོལ་བས་ངང་དུ་ཐིམ།། ཆེ་བ་རང་བྱུང་རྒྱལ་པོ་སྟེ།། ཟིལ་གྱིས་གནོན་པའི་ཡེ་ཤེས་ཡིན།། དྲག་པོ་སྔགས་ཀྱི་མཚོན་ཆ
129a4 ནི།། བརྡུང་དང་ངར་འཐར་མ་ཡིན་ཏེ།། མཁས་པས་བྱ་བ་ཐམས་ཅད་བཞིན།། རྒོལ་བ་ཐམས་ཅད་མི་འཇིགས་གཅོད།། དེ་བཞིན་དྲག་སྔགས་གསང་བ་འདི།། བདེ་གཤེགས་ཐམས་ཅད་བཀའ་འདུས
129a5 ནས།། སངས་རྒྱས་ཀུན་གྱི་ཐུགས་རྒྱུད་དེ།། རྣམ་པ་ཡི་གེའི་ངོ་བོ་ལ།། སངས་རྒྱས་མཐུ་ཡི་ངར་འཐར་བཅུག། སྟོབས་དང་ནུས་པ་ཀུན་འདུས་པས།། མཁྱེན་པ་ཉིད་ཀྱང་བརླགས་པར་འགྱུར།། དཀྱིལ་འཁོར་ཡོངས
129a6 རྫོགས་ཐིག་ལེ་ཆེ།། འབྱུང་བཞི་ཡེ་ནས་རྣམ་དག་ཀློང་།། ལྷུན་གྱིས་གྲུབ་པའི་གཞལ་མེད་ཁང་།། རྟོག་ཚོགས་ལྷ་ཡི་དཀྱིལ་འཁོར་རྫོགས།། མ་ལུས་འདུས་པས་ཐིག་ལེ་ཆེ།། སྣང་སྲིད་དབང་གི་དཀྱིལ་འཁོར
iiif viewer powered by OpenSeadragon
