| e-texts navigator |
| Wylie |
128b1 གི་སྲོག་གི་སྙིང་པོ་ཐམས་ཅད་དངོས་སུ་ཕུལ་ལོ།། དེ་ནས་བཅོམ་ལྡན་འདས་ཀྱིས་རྔམ་པའི་སྒྲ་ཆེན་པོ་བཏོན་ཏེ།། སྲོག་དང་ལས་ཐམས་ཅད་ཡི་གེ་གཉིས་ལ་བསྡུས་ཏེ། རང་རང་གི་སྲོག་གི་སྙིང་པོ་ཐམས་ཅད་ནུས
128b2 པའི་མཐུ་ཅན་དུ་བྱིན་གྱིས་བརླབས་ཏེ། དཀྱིལ་འཁོར་ཆེན་པོ་ཡོངས་སུ་རྫོགས་པར་མཛད་ནས་དྲེགས་པ་དེ་དག་ཀུན་ཀྱང་གཤིན་རྗེ་གཤེད་ཀྱི་དགེ་འདུན་དུ་གྱུར་ཏོ།། འཕགས་པ་འཇམ་དཔལ་གཤིན་རྗེའི་རྒྱལ་པོ
128b3 སྡིག་པ་སྟོབས་ཆེན་གསང་བའི་རྒྱུད་ལས་གླེང་གཞིའི་ལེའུ་སྟེ་དང་པོའོ།། །། དེ་ནས་མཐུ་སྟོབས་ཀྱི་བདག་པོ་རྡོ་རྗེ་སྙིང་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ།། ཀྱེ་ཧོ་མི་ཤིགས་རྡོ་རྗེའི་སྐུ།། ཟིལ
128b4 གྱིས་གནོན་པའི་ཡེ་ཤེས་ཁྱོད།། འཁོར་གྱི་དྲེགས་པ་དབང་བསྡུས་ནས།། དཀྱིལ་འཁོར་ཆེན་པོར་ལྷུན་རྫོགས་པའི།། དྲག་པོའི་སྔགས་རྒོད་འཇུག་ཚུལ་གང་།། ཕྱག་རྒྱ་ཟིལ་གནོན་ཇི་ལྟ་བུ།། དྲག་སྔགས་མཚོན་ཆ་ཇི
128b5 ལྟར་ལགས།། དེ་བཞིན་དཀྱིལ་འཁོར་དབང་དང་ནི།། དམ་ཚིག་ཕྲིན་ལས་རྫོགས་མཛད་པའི།། སྟོབས་ཆེན་བཀའ་རྒྱུད་ཇི་ལྟ་བུ།། ཡེ་ཤེས་ཆེན་པོས་བཤད་དུ་གསོལ།། ཞེས་གསོལ་པས། དེ་ནས་བཅོམ་ལྡན
128b6 འདས་རྡོ་རྗེ་འཆང་ཆེན་པོ་དེས་དྲག་སྔགས་ཡོངས་སུ་བསྟན་པའི་ཏིང་ངེ་འཛིན་ལ་སྙོམས་པར་ཞུགས་ཏེ། གསང་ཚིག་སྔགས་ཀྱི་སྦྱོར་བ་འདི་རྒྱས་པར་གསུངས་སོ།། དྲག་པོའི་སྔགས་རྒོད་དམོད་པ་དག། རྒྱུ་དང་རྐྱེན
iiif viewer powered by OpenSeadragon
