| e-texts navigator |
| Wylie |
127b1 འཁོར་རྣམས་ལ་རང་བཞིན་འདི་བསྟན་ཏོ།། ཨེ་མ་ངོ་མཚར་རྨད་ཀྱི་ཆོས།། མ་སྐྱེས་ཡེ་ནས་གཉིས་སུ་མེད།། རྒྱུ་དང་རྐྱེན་མེད་རང་བྱུང་བ།། དེ་ལས་ཀུན་འབྱུང་ཐབས་བསམ་ཡས།། ཐམས་ཅད་ང་ཡི་རང་བཞིན
127b2 ལས།། མ་གཡོས་མི་གཡོ་ཅིར་ཡང་གསལ།། སྙིང་པོ་ཉིད་ལ་གཡོ་བ་ཉིད།། ཅེས་གསུངས་པས། འཁོར་རྣམས་ཀྱིས་རང་རང་གིས་དེ་ཁོ་ན་ཉིད་སོ་སོ་མ་ཡིན་པ་མཐོང་བར་གྱུར་ཏོ།། དེ་ནས་རྡོ་རྗེ་སྙིང་པོ་དྲེགས་པ
127b3 འཇོམས་པ་དེས་བཅོམ་ལྡན་འདས་རྡོ་རྗེ་འཆང་ཆེན་པོ་ལ་འདི་སྐད་ཅེས་གསོལ་ཏོ།། ཀུན་གྱི་རང་བཞིན་རྡོ་རྗེ་ཉིད།། དུས་གསུམ་སངས་རྒྱས་ཀུན་གྱི་དངོས།། གསང་སྔགས་ཀུན་གྱི་ངོ་བོ་ཉིད།། ཆེ་བའི་ཡོན་ཏན
127b4 རྒྱས་པར་མཛོད།། ཅེས་གསོལ་པས། དེ་ནས་བཅོམ་ལྡན་འདས་ཀྱིས་ཆོས་ཐམས་ཅད་གཉིས་སུ་མེད་པའི་བདག་ཉིད་ཆེན་པོ་ལ་སྤྲུལ་པ་སྣང་བའི་ཚུལ་འོད་ཟེར་བྱེ་བ་ས་ཡ་ཕྱོགས་བཅུར་བཀྱེའོ།། འོད་ཟེར་དེ་དག
127b5 གིས་ཞིང་ཁམས་ཐམས་ཅད་དུ་ཁྱབ་པར་མཛད་ནས་སངས་རྒྱས་ཐམས་ཅད་ཀྱི་དགོངས་པ་བརྒྱུད་དེ། སངས་རྒྱས་ཐམས་ཅད་ཀྱི་རང་བཞིན། ཆོས་ཐམས་ཅད་ཀྱི་རྩ་བ། རྡོ་རྗེ་འཆང་ཆེན་པོ་ཉིད་དུ་མཛད་དེ། རྩོལ
127b6 བ་དང་བྲལ་བའི་ལམ་མངོན་དུ་གྱུར་པར་གསུངས་སོ།། དེ་ནས་རྡོ་རྗེ་སྙིང་པོས་བཅོམ་ལྡན་འདས་ལ་གསོལ་པ། སངས་རྒྱས་ཀུན་གྱི་རང་བཞིན་དངོས།། ལྷུན་གྱིས་གྲུབ་པའི་ཡེ་ཤེས་ཁྱོད།། མི་རྟོག་དབྱིངས་ལས་སྐུ
iiif viewer powered by OpenSeadragon
