| e-texts navigator |
| Wylie |
127a1 རྒྱ་གར་སྐད་དུ། ཨཱརྱ་མཉྫུ་ཤྲཱི་ཡ་མ་རཱ་ཛ་བྲྀ་ཤྩི་ཀ་མ་ཧཱ་བ་ལ་གུ་ཧྱ་ཏནྟྲ། བོད་སྐད་དུ། འཕགས་པ་འཇམ་དཔལ་གཤིན་རྗེའི་རྒྱལ་པོ་སྡིག་པ་སྟོབས་ཆེན་གསང་བའི་རྒྱུད། བཅོམ་ལྡན་འདས་དཔལ
127a2 གཤིན་རྗེ་གཤེད་པོ་ལ་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་ཆོས་ཐམས་ཅད་ལྷུན་གྱིས་རྫོགས་པའི་རང་བཞིན་ཡོངས་སུ་བཀོད་པའི་སྙིང་པོ་མཁའ་དབྱིངས་རྣམ་པར
127a3 དག་པའི་ཀློང་། རྒྱ་ཡོངས་སུ་མ་ཆད་པ། རང་བཞིན་ལྷུན་གྱིས་གྲུབ་པའི་གཞལ་ཡས་ཁང་ན། རྡོ་རྗེ་སྙིང་པོ་དྲེགས་པ་འཇོམས་པ་ཉིད་དང་། དུས་གསུམ་གཅིག་པའི་སངས་རྒྱས་རྣམས་དང་། མ་སྐྱེས་ལམ་ལ་འདུན
127a4 པ་རྣམས་དང་། ས་ལ་གནས་པའི་སེམས་དཔའ་རྣམས་དང་། རྡོ་རྗེ་ཁྲོ་བོ་དྲེགས་པ་རྣམས་དང་། ཁྲམ་ཐོགས་ཀྱི་བདུད་ཕོ་མོ་དང་། གྲི་ཐོགས་ཀྱི་གིང་དང་། ཟོར་ཐོགས་ཀྱི་མ་མོ་དང་།། འཇིག་རྟེན་གྱི་དྲེགས་པ
127a5 ཅན་རྣམས་དང་། ཕུང་བྱེད་མངག་པའི་ཚོགས་བསམ་གྱིས་མི་ཁྱབ་པ་དང་། ཀླུ་དང་གཉེན་དང་ས་བདག་ལ་སྩོགས་པས་ཡོངས་སུ་བསྐོར་ཏེ་ཐབས་ཅིག་ཏུ་བཞུགས་སོ།། དེ་ནས་བཅོམ་ལྡན་འདས་རྡོ་རྗེ་འཆང་ཆེན
127a6 པོ་སངས་རྒྱས་ཐམས་ཅད་ཀྱི་རང་བཞིན། ཆོས་ཉིད་མཉམ་པ་ཆེན་པོ་ཅིའི་ངོ་བོར་ཡང་མ་གྲུབ་པ་ཞེས་བྱ་བར་ལྷུན་གྱིས་གྲུབ་པར་ཀུན་ལ་ཁྱབ་པར་མཛད་དོ།། དེས་འཁོར་རྣམས་སེམས་འདྲོགས་པར་གཟིགས་ནས
iiif viewer powered by OpenSeadragon
