| e-texts navigator |
| Wylie |
126a1 ལ་གནས་བསམས་ཏེ།། ཕུར་བུ་ཞེས་ནི་དེ་ལ་བྱའོ།། ཕྱོགས་བཅུའི་ཐུགས་ལས་སྐྱེས་པ་སྟེ།། དེ་ཕྱིར་ཕུར་བུ་ཞེས་སུ་བསྟན།། དང་པོར་དམ་བཅས་འདི་ལྟར་རོ།། ལྔ་བརྒྱ་དུས་ཀྱི་ཐ་མ་ལ།། མཚམས
126a2 མེད་ལྔ་ནི་ཀུན་སྤྱོད་ཅིང་།། གོས་ངན་རེ་བ་གོན་པ་དང་།། ཟས་ངན་ལྕི་བ་ཟ་བའི་ཚེ།། དེ་ཚེ་ང་ཡི་བསྟན་པ་འབྱུང་།། དུས་ངན་ཐ་མ་བྱུང་བའི་ཚེ།། ལྷ་མོའི་ནང་ན་འོད་ཟེར་ཅན།། འཕགས་པའི་ནང་ན་འཇམ་དཔལ
126a3 གཉིས།། འདི་གཉིས་མ་གཏོགས་དངོས་གྲུབ་གཞན།། རིགས་འཛིན་ཀུན་ལ་མ་ཡིན་ནོ།། ཁྲོ་བོའི་རྒྱལ་པོ་འདི་ཡིས་ནི།། ངེས་པར་དབང་དུ་མ་གྱུར་པའི།། དང་པོ་འདས་དང་ད་ལྟར་གྱི།། ཕྱིས་འབྱུང་བ་ནི་གང་ཡང
126a4 མེད།། དགྲ་བགེགས་འབུམ་མམ་སྟོང་ཡང་རུང་།། དེ་མ་ཐག་ཏུ་བརླག་པར་བྱེད། ཁྲག་གི་ཆར་ཡང་འབེབས་པར་བྱེད།། ཅེས་གསུངས་པས། འཇིག་རྟེན་གྱི་ཁམས་འདི་དག་ཐམས་ཅད་ཚར་བཅད་དེ། དྲག་པོའི
126a5 ཕྲིན་ལས་གྲུབ་པར་གྱུར་ཏོ།། དེ་ནས་འཁོར་རྣམས་ཀྱིས། འཇམ་དཔལ་ཁྲོ་བོ་གཤིན་རྗེ་གཤེད་པོ་ལ་འདི་སྐད་ཅེས་བསྟོད་དོ།། འཕགས་པ་ཁྲོ་བོ་འཇམ་དཔལ་གཤིན་རྗེ་གཤེད།། ཆོས་སྐུ་བྱང་ཆུབ་སེམས་ཀྱི་རང
126a6 བཞིན་ལས།། ཚད་མེད་བཞི་ཡི་ངང་ཉིད་རྣམ་དག་པས།། བདག་ཉིད་ཁྲོ་བོ་འབར་བའི་སྐུ་སྟོན་ཅིང་།། ཚངས་པ་བརྒྱ་བྱིན་ལྷ་ཆེན་དྲག་པོ་རྣམས།། གཉིས་མེད་བྱང་ཆུབ་སེམས་ཀྱིས་སྒྲོལ་བར་མཛད།། མ་ཧེའི་སྟེང
iiif viewer powered by OpenSeadragon
