| e-texts navigator |
| Wylie |
124b1 ཆེ་གེ་མོ་ཨ་མུ་ཁཾ་མུ་ར་ཙ་ཡ་ཧཱུཾ་ཕཊ། ཡ་ཏ་ཡོ་ནི་ར་ཡཀྵེ་ཡ་ཆེ་གེ་མོ་ཨ་མུ་ཁཾ་རཀྟ་ཙ་ར་ཧཱུཾ་ཕཊ། ཡཀྵེ་ཡ་ཙ་ནི་ར་མ་ཡ་ཆེ་གེ་མོ་ཨ་མུ་ཁཾ་མཱ་ར་ཡ་ཧཱུཾ་ཕཊ། བདག་ཉིད་འཇིགས་བྱེད་སྐུར་བསྒོམས་ལ།། སྔགས་ཀྱི་ཕྲེང
124b2 བས་ཐོག་འགྱུར་ན།། མངོན་ཤེས་ལྡན་པའི་སངས་རྒྱས་ཀྱང་།། འཆི་བར་འགྱུར་བར་གདོན་མི་ཟ།། ཞི་བའི་དུས་སུ་བཟླས་པ་ཡིས།། དང་པོས་སེམས་ནི་གཡོས་པར་འགྱུར།། གཉིས་པས་ཡིད་ལ་འབྱུང་བར
124b3 འགྱུར།། གསུམ་པས་དཀར་པོའི་ངོ་བོ་དང་།། བཞི་པས་ཐམས་ཅད་ཞི་བར་འགྱུར།། རྒྱས་པའི་དུས་སུ་བཟླས་པ་ཡིས།། དང་པོས་དཔལ་ཡང་འཕེལ་བར་བྱེད།། གཉིས་པས་དབང་ཟང་སྐྱེད་པར་བྱེད།། གསུམ་པས
124b4 གཟི་བྱིན་རྙེད་འགྱུར་ཏེ།། བཞི་པས་ཚེ་རིང་མ་ལུས་རྒྱས་པར་འགྱུར།། དབང་གི་དུས་སུ་བཟླས་པ་ཡིས།། དང་པོས་སེམས་ཀྱང་གཡོས་པར་བྱེད།། གཉིས་པས་འཇུག་པར་ནུས་པ་སྟེ།། གསུམ་པས་དམིགས་པ
124b5 དབང་དུ་འདུ།། བཞི་པས་ཐམས་ཅད་དབང་དུ་འདུའོ།། དྲག་པོའི་བཟླས་པ་བྱས་པ་ཡིས།། དང་པོས་མགོ་ནི་འཁོར་བར་བྱེད།། གཉིས་པས་ཡིད་འཁྲུགས་གསུམ་པས་ཁྲག་ཏུ་སྐྱུགས།། བཞི་པས་གདོན་མི་ཟ
124b6 བའོ།། གཞི་འམ་གནས་སུ་བསྟན་པ་ནི།། བཅུ་གཉིས་འཁོར་ལོ་རྩིབས་ཅན་དེ།། ཡི་དྭགས་ཀྱི་ནི་གོས་ལ་བྲི།། ཞི་བ་པདྨ་ཟླ་བ་ལ།། རྒྱས་པ་གླང་པོའི་རྒྱབ་ཏུ་བྱ།། དབང་ནི་བུད་མེད་སྙིང་གར་ཏེ།། དགུག་པ་སེང་གེ
iiif viewer powered by OpenSeadragon
