| e-texts navigator |
| Wylie |
123b1 བརྗོད་པ་ཇི་ལྟ་བུ།། དྲག་པོའི་ལས་སུ་བསྟན་པ་ལ།། ལྷ་ནི་ཇི་ལྟར་བསྒོམ་པར་བགྱི།། བཟླས་པའི་སྔགས་རྣམས་ཇི་ལྟར་ལགས།། ཕྲིན་ལས་རྣམ་བཞིར་བསྟན་པ་དེས།། ལས་ནི་ཇི་ལྟ་བུ་ཞིག་འགྲུབ།། གཞིའམ
123b2 གནས་ནི་ཇི་ལྟ་བུ།། དེ་དག་ཇི་ལྟ་བུ་ཡིས་བྲི།། ངེས་པར་བསྟན་པའི་མན་ངག་ལ།། བདག་ཅག་རྣམས་ལ་བསྟན་དུ་གསོལ།། དེ་ནས་བཅོམ་ལྡན་ཁྲོ་འདུལ་དེས།། གསུང་ནི་འདི་སྐད་བཀའ་སྩལ་ཏོ།། གང་བསྒོམ་ལྷ
123b3 རྣམས་སྐུ་མདོག་དཀར།། ཡུམ་ཡང་དེ་དང་འདྲ་བ་ལ།། ཕྱོགས་བཅུའི་འཁོར་རྣམས་རིགས་དང་སྦྱར།། བདག་ཉིད་ཡ་མཱན་ཏ་ཀ་རུ།། སྐུ་མདོག་གསལ་བར་བསྒོམས་ནས་ནི།། བཟླས་པའི་སྔགས་འདི་མགུ་བས
123b4 བཟླས།། ཡ་མ་ར་ཙ་ས་ཏོ་མེ་ཡ། ཆེ་གེ་མོ་བ་ལུ་ཀ་ཤཱནྟི་ཀུ་རུ་སྭཱ་ཧ། ཡ་མེ་ཏོ་རུ་ན་ཡོ་ཏ་ཡ། ཆེ་གེ་མོ་ཀྵ་ར་ཙ་ཤཱནྟི་ཀུ་རུ་སྭཱ་ཧཱ། ཡ་ཏ་ཡོ་ནི་རི་ཡ་ཀྵེ་ཡ། ཆེ་གེ་མོ་པ་ལ་མུ་སྟི་ཤཱནྟི་ཀུ་རུ་སྭཱ་ཧཱ། ཡཀྵེ་ཡ་ཙ་ནི་ར་མ་ཡ། ཆེ
123b5 གེ་མོ་མ་ར་ཡ་ཤཱནྟི་ཀུ་རུ་སྭཱ་ཧཱ། མི་དྲག་མི་བུལ་མི་ཞན་པར།། ཏིང་འཛིན་སྦྱོར་བ་ལྡན་བྱས་ཏེ།། ཉི་མ་རེ་ལ་རིམ་བཞིན་སྦྱར།། གྲུབ་པར་འགྱུར་བར་གདོན་མི་ཟའོ།། ཕྲིན་ལས་ངེས་པར་གྲུབ་པ་སྟེ།། བསྒོམ་པར་བྱ
123b6 བ་སྐུ་མདོག་སེར།། ཡུམ་ཡང་དེ་དང་འདྲ་བ་ལ།། ཕྱི་མ་རིམ་བཞིན་སྦྱར་བར་བྱ།། གསེར་ལྟ་བུ་ཡི་ཏིང་འཛིན་ལ།། འཕྲོ་འདུ་བྱང་ཆུབ་སེམས་ལྟ་བུ།། ཕྱོགས་བཅུ་མ་ལུས་དོན་བྱས་ཏེ།། བདག་གི་ཕུང་པོ་མ་ལུས
iiif viewer powered by OpenSeadragon
