| e-texts navigator |
| Wylie |
123a1 ཟེར་སྤྲིན་ལྟ་བུ།། ནམ་མཁའ་གང་བར་ཁྱབ་པ་ལ།། ཁྲོ་བོའི་སྤྲུལ་པས་ཁེབས་གྱུར་ཏེ།། འཇིག་རྟེན་རྡུལ་དུ་བཤིག་ནས་ནི།། གདུག་པ་མ་ལུས་ཀུན་བཏུལ་ཏེ།། སླར་བསྡུས་ཡབ་ཡུམ་སྐུ་ལ་བསྡུ།། དེ
123a2 ལྟར་ནས་དང་ཡུངས་འབྲུ་ཙམ།། མ་ལུས་ཀུན་དུ་འགེངས་བྱེད་ཅིང་།། དམིགས་པ་གང་ན་གནས་པ་དག། བཙལ་ཏེ་སླར་ཡང་འགུགས་ལ་སོགས།། འདི་དང་འདི་ཞེས་བྱ་མེད་པར།། འཁོར་བ་ཚང་ནས་སྤྲུགས
123a3 བསམས་ཏེ།། དྲག་པོའི་ཕྲིན་ལས་གྲུབ་པར་བསམ།། འཁོར་ལོ་ཞེས་སུ་བསྟན་པ་ཡང་།། མི་འཁོར་འཁོར་ཕྱིར་རྩེ་མོ་འཕྲོ།། ལྟེ་བ་འཁོར་ལ་རྩེ་མོས་གཅོད།། དེ་ཕྱིར་འཁོར་ལོ་ཞེས་སུ་གྲགས།། གསང་བ་ཞེས་སུ
123a4 གྲགས་པ་ཡང་།། ཀུན་ལ་མི་བསྟན་རྩ་བ་སྟེ།། ཐུན་མོང་ཀུན་གྱི་མ་ཡིན་པས།། དེ་ཕྱིར་གསང་བ་ཞེས་བྱའོ།། དེ་ལ་རྒྱུད་ཅེས་བྱ་བ་ཡང་།། ཚང་ཞིང་འབྲེལ་བས་བཏགས་པ་དང་།། བྲེང་ཆགས་དགོས་པ་སྒྲུབ་པ
123a5 ཡི།། དེ་ཕྱིར་རྒྱུད་ཅེས་བྱ་བར་བཤད།། དེ་ནས་ཡང་བཅོམ་ལྡན་འདས་ལ་འདི་སྐད་ཅེས་གསོལ་ཏོ།། ཉི་མ་བཞི་ལ་ལས་བཞི་ཞིག། གསུངས་ཤིང་ངེས་པར་བསྟན་པ་སྟེ།། དངོས་པོ་ཅི་ལ་བསྒོམ་པར་བགྱི།། ཞི་བ་ལ
123a6 ནི་ཇི་ལྟར་བགྱི།། སྔགས་རྣམས་ཇི་ལྟར་བཟླས་པར་བགྱི།། ཕྲིན་ལས་ངེས་པར་བསྟན་པ་སྟེ།། རྒྱས་པ་དག་ལ་ཇི་ལྟར་བསྟན།། སྔགས་རྣམས་བརྗོད་པ་ཇི་ལྟ་བུ།། དབང་ལ་ཇི་ལྟར་བསྒོམ་པར་བགྱི།། སྔགས་རྣམས
iiif viewer powered by OpenSeadragon
