| e-texts navigator |
| Wylie |
122b1 དང་།། སྐུ་གསུམ་ཕྲིན་ལས་འདུལ་བ་སྟེ།། ཐབས་དང་ཐབས་སུ་འབྲེལ་བ་ལ།། ཤེས་རབ་འབྲེལ་བས་ཡུམ་ཞེས་བྱ།། ཆོས་དང་ལོངས་སྤྱོད་པ་ཡི་སྐུ།། འདུལ་དབང་ལས་ཞེས་བྱ་བར་གྲགས།། དེ་ལ་བཞི་ཞེས་བྱ་བ
122b2 ཡང་།། ཞི་བ་རྒྱས་པ་དབང་མངོན་ནོ།། ཞི་བ་བྱ་བའི་ངེས་ཚིག་ཀྱང་།། ཏིང་འཛིན་རིམ་པ་བྱམས་པ་ལ།། འཕྲོ་འདུ་དཀར་ལ་འཚེར་བ་སྟེ།། ཐམས་ཅད་མགུ་བར་བྱེད་པ་དང་།། མི་མཐུན་པ་རྣམས་ཞི་བྱའི་ཕྱིར།། དེ
122b3 ཕྱིར་ཞི་བ་ཞེས་བྱའོ།། རྒྱས་པ་གསེར་ལྟར་སེར་བ་ལ།། ཏིང་འཛིན་སྤྲུལ་པ་མང་པོར་ཁྱབ།། ཕྱོགས་བཅུར་འགྲོ་བའི་དོན་བྱས་ཏེ།། བསྐུལ་བའི་ས་ལ་གཞེས་པ་ཡི།། སངས་རྒྱས་ཐམས་ཅད་སྤྱན་དྲངས་ཏེ།། བདག
122b4 གི་བ་སྤུའི་བུ་ག་ནས།། ཀུན་ཏུ་ཞུགས་ཏེ་རྒྱས་པ་ལ།། ཚེ་དང་དབང་ཐང་དཔལ་ལ་སོགས།། ཐམས་ཅད་རྒྱས་པས་རྒྱས་ཞེས་བྱ།། དེ་ལ་དབང་གི་ངེས་ཚིག་ཀྱང་།། ཕྱོགས་བཅུའི་འཇིག་རྟེན་ཐམས་ཅད
122b5 ནས།། བདག་གི་ཡིད་ལ་བསམས་པ་ཀུན།། ཡབ་ཡུམ་སྤྲུལ་པའི་ཁྱད་པར་ལས།། ཅི་འདོད་ཐམས་ཅད་དབང་དུ་སྡུད།། ལས་དང་བྱ་བ་མ་ལུས་དང་།། བདག་ཉིད་ལྷ་ཡི་སྐུར་བསྒོམས་པས།། འདུ་བར་འགྱུར་བ
122b6 གདོན་མི་ཟ།། དེ་ལ་དྲག་པོའི་ཕྲིན་ལས་ཀྱང་།། གཤིན་རྗེ་གཤེད་དང་གཤེད་བདག་མོ།། ཡབ་ཡུམ་ཁྱད་པར་སྤྲིན་ལྟ་བུ།། ནམ་མཁའ་ཁེབས་པ་བྱེད་པ་ལྟར།། གཉིས་མེད་བྱང་ཆུབ་ཁྱད་པར་ལས།། འཕྲོ་འདུ་འོད
iiif viewer powered by OpenSeadragon
