| e-texts navigator |
| Wylie |
122a1 བའི་ལེའུ་སྟེ་བཅུ་གསུམ་པའོ།། ། འཕགས་པ་ལས་བཞི་འཁོར་ལོ་གསང་བ་ཆེན་པོ་རྩ་བའི་རྒུད་རྫོགས་སོ།། །། དེ་ནས་འཁོར་ཁྲོ་བོ་དང་ཁྲོ་མོ་ལ་སོགས་པ་རྣམས་ཀྱིས། ངག་མཐུན
122a2 པས་བཅོམ་ལྡན་འདས་ཁྲོ་བོའི་རྒྱལ་པོ་དེ་ལ་འདི་སྐད་ཅེས་གསོལ་ཏོ།། ཨེ་མའོ་བཅོམ་ལྡན་ཁྲོ་རྒྱལ་གཙོ།། ལས་བཞི་འཁོར་ལོའི་རྒྱུད་འདི་ལ།། ངོ་མཚར་རྨད་བྱུང་བསྟན་པ་ལ།། བདག་ཅག་ཐེ་ཚོམ་འཚལ་བ
122a3 རྣམས།། བདེར་གཤེགས་གསུང་གི་ངོ་བོ་ཡིས།། ཞུ་བའི་དམིགས་རྣམས་བཤད་དུ་གསོལ།། འཕགས་པ་ཞེས་བགྱི་ཇི་ལྟར་ལགས།། ལས་བཞི་ཞི་བགྱི་ཇི་ལྟར་ལགས།། འཁོར་ལོ་ཞེས་བགྱི་ཇི་ལྟར་ལགས།། གསང
122a4 བ་ཞེས་བགྱི་ཇི་ལྟར་ལགས།། རྒྱུད་ཅེས་བགྱི་བ་ཇི་ལྟར་ལགས།། རྣམ་དག་དབྱིངས་ལས་བཞེངས་ནས་ནི།། ཞུ་བའི་དམིགས་རྣམས་བཤད་པར་མཛོད།། དེ་ནས་བཅོམ་ལྡན་འདས་ཀྱིས་ཁྲོ་བོ་གཞན་ལ་གདུག་པར
122a5 མཛད་པ་ཡིས། ཚངས་པའི་དབྱངས་ཀྱིས་གསུང་ཕྱུང་སྟེ། འདི་སྐད་འཁོར་ལ་བཀའ་སྩལ་ཏོ།། རིགས་ཀྱི་འཁོར་རྣམས་ཞུ་བ་ཡི།། དམིགས་རྣམས་ཞུ་བ་རབ་ཏུ་ལེགས།། འཕགས་པ་ཞེས་སུ་བསྟན་པ་ནི།། གདུག་པ
122a6 མ་ལུས་ཀུན་ལས་འཕགས།། ཡེ་ཤེས་སེམས་དཔའ་འབྱུང་བའི་གཞི།། དཔེ་ཡིས་དེ་ལ་བསྐྲུན་དུ་མེད།། ལས་བཞི་ཞེས་སུ་གྲགས་པ་ཡང་།། དེ་ལ་ལས་ནི་རྣམ་པ་གཉིས།། ཐབས་དང་ཤེས་རབ་འདུས་དབང
iiif viewer powered by OpenSeadragon
