| e-texts navigator |
| Wylie |
120b1 དག་ནི་འདི་འོས་པ་ཙམ་གྱིས་མ་ཡིན་ཏེ་ཡང་དང་ཡང་དུ་འདྲིས་པར་བྱས་ལ་ནན་ཏན་གྱིས་མ་བྱས་ན་འཕྲལ་དུ་ཕྲ་མོ་ཙམ་གྱིས་འགྲུབ་པ་མ་ཡིན་ནོ།། འཕགས་པ་ལས་བཞི་འཁོར་ལོ་གསང་བའི་རྒྱུད་ལས་ཡ་མ
120b2 མཐར་བྱེད་ཀྱིས་གནོན་པའི་ལེའུ་སྟེ་བཅུ་གཉིས་པའོ།། །། དེ་ནས་ཡང་ལས་ཕྲན་ཚེགས་བསྒྲུབ་པ་འདི་ཉིད་ཀྱི་སྐུ་དང་གསུང་དང་ཐུགས་ཡོན་ཏན་ཕྲིན་ལས་ལས་ཕྱུང་ངོ་།། ཟླ་བ་འདྲ་བའི་དཀྱིལ་འཁོར
120b3 ལ།། པདྨའམ་འཁོར་ལོ་གང་ཡང་རུང་།། ཡང་ན་རིན་ཆེན་དྲ་བ་ལ།། དྲ་མིག་རྣམས་ནི་འདུག་པར་གནས།། རིན་ཆེན་ཕུར་བུ་ནང་དུ་བལྟས།། དེ་རུ་བྲིའམ་གཟུགས་པར་བྱ།། ཐ་མ་སྦྲུལ་གྱི་ཞགས་པས
120b4 བསྐོར།། དཀྱིལ་འཁོར་དེ་ཡི་དབུས་སུ་ནི།། ཁྲུ་གང་ཐུར་དུ་བརྐོས་བྱས་ལ།། གའུ་ཁ་སྦྱར་ནང་དུ་ནི།། ཡུངས་ཀར་བླུགས་ལ་བཟླས་པ་བྱ།། རྟགས་ལ་མ་ཡེངས་འཕྲོ་འདུ་ཡིས།། རྒྱུན་མི་འཆད་པར་བསྒྲུབ་པར
120b5 བྱ།། ཨོཾ་བཛྲ་ཀཱ་ལ་ད་དུ་ཁ་ལ། པྲ་མརྟ་ན་ཧཱུཾ་ཕཊ། སླེ་ཁ་སླེ་ཁ་ཕཊ་ཕཊ་ཅེས་བཟླས་ལ།། བདག་ཉིད་ཡ་མཱན་ཏ་ཀར་བསྒོམས་ལ། སྔགས་ནི་ནུས་ཚད་དུ་བཟླས་ན་འགྲུབ་ངེས་སོ།། ཡུངས་ཀར་རྒྱལ་པོ་བསྒྲུབ
120b6 པའོ།། དེ་ནས་འཁོར་ཁྲོ་བོ་ལ་སོགས་པས། བཅོམ་ལྡན་འདས་གཤིན་རྗེ་གཤེད་ལ་འདི་སྐད་ཅེས་གསོལ་ཏོ།། ཨེ་མའོ།། དབྱིངས་ལས་བྱུང་བ་དང་།། མཁའ་ལ་རྒྱུ་དང་ས་ལ་དབང་བ་གསུམ་གྱིས་བསྐུལ་བའི
iiif viewer powered by OpenSeadragon
