| e-texts navigator |
| Wylie |
120a1 འདུ་བཟླས་པ་དེ་དག་ཀུན།། གོང་དུ་བཤད་པ་དག་ལ་ཡང་།། དེ་དག་རབ་ཏུ་སྦྱར་ཞེས་བཤད།། དེ་ནས་བཅོམ་ལྡན་འདས་གཤིན་རྗེའི་ཁྲོ་བོས་བསྐུལ་བ་འདི་གསུངས་སོ།། ཨོཾ་ཡ་མ་ལས་ཀུན
120a2 འཇིགས་པར་བྱེད་པ་ནི།། ཐམས་ཅད་དབང་སྡུད་ཡ་མ་མཐར་བྱེད་སྐུ།། ཞལ་གཅིག་ཕྱག་གཉིས་སྐུ་མདོག་ལྗང་།། ཞབས་གཉིས་དོར་ཐབས་ཀླུ་རྒྱལ་གནོན།། སྐུ་ལ་སྦྲུལ་ནག་སྟོང་གིས་བརྒྱན་པ་ནི།། བགེགས
120a3 རྣམས་འདུལ་ཞིང་རྟག་ཏུ་འཆི་བར་མཛད།། སྐུ་ལ་ཐོད་པའི་ཕྱེད་ཚལ་བརྒྱན་པ་ནི།། འགྲོ་བ་ཐུགས་རྗེ་ཕྱོགས་གཅིག་དགོངས་པའི་རྟགས།། དབུ་སྐྲ་རལ་པ་གྱེན་དུ་འཁྱིལ་བ་ནི།། སྲིད་གསུམ་མ་ལུས་དབང་དུ་སྡུད
120a4 པའི་རྟག། ཕྱག་གཡས་ཆུ་སྲིན་དབྱུག་ཏོ་བསྣམས་པ་ནི།། དགྲ་བགེགས་འཇིགས་པ་ཆེ་ལས་སྒྲོལ་བའི་རྟགས།། གཡོན་པ་ཞིང་དབྱུག་ཕྱག་ན་བསྣམས་པ་ནི།། ཐུགས་རྗེས་སེམས་ཅན་མྱ་ངན་ལམ་ལ་འཇོག། ཀོ
120a5 རློན་གཡང་གཞིས་སྐུ་ལ་བརྒྱན་པ་ནི།། དུག་ལྔ་མ་སྤངས་གནས་སུ་དག་པའི་རྟགས།། སྟག་གི་གཡང་གཞིས་སྐུ་ལ་བརྒྱན་པ་ནི།། དུག་གསུམ་གནས་སུ་བསྒྲལ་ནས་ཆོས་ཀྱི་སྐུ།། སྐྱེ་མེད་ངང་ལས་གཡོ་བསྐྱོད་མི
120a6 མངའ་ཡང་།། ཞེ་སྡང་ཕྲིན་ལས་བྱ་བའི་དུས་ལ་བབ།། ཨོཾ་ཧྲིཥྚི་ཡ་མ་ར་ཙ་སརྦ་མ་ར་ཡ་ནན་ཛ་ས་མ་ཡ་ཞེས་བརྗོད་ཅིང་ཞེ་སྡང་དང་ལྡན་པར་ཏིང་ངེ་འཛིན་གྱིས་བཟླས་པ་དང་སྦྱར་ཏེ་ལས་བྱས་ན་གདོན་མི་ཟའོ།། དེ
iiif viewer powered by OpenSeadragon
