| e-texts navigator |
| Wylie |
119b1 ཞེས་གཤིན་རྗེ་ཁྲོ་བོའི་རྒྱལ་པོས་གསུངས་སོ།། འཕགས་པ་ལས་བཞི་འཁོར་ལོ་གསང་བའི་རྒྱུད་ལས་ཀླུ་མཐར་བྱེད་ཀྱིས་གནོད་པའི་ཐབས་ཀྱི་ལེའུ་སྟེ་བཅུ་གཅིག་པའོ།། །། དེ་ནས་ཡང་ཁྲོ་བོ་ཆེན་པོ་གཤིན
119b2 རྗེ་གཤེད་ཀྱིས་མཐར་བྱེད་འབྱུང་བ་འདི་ཉིད་ཀྱི་སྐུ་གསུང་ཐུགས་ཡོན་ཏན་ཕྲིན་ལས་ལས་ཕྱུང་ངོ་།། ཡ་མ་མཐར་བྱེད་ཕྲིན་ལས་ནི།། དཀྱིལ་འཁོར་སྔ་མ་འདྲ་བར་དམིགས།། བཟླས་པའི་སྙིང་པོ་འདི་ཡང་བྲི།། ཡ
119b3 སྟེ་འབྱུང་བྱེད་ཀྵེ་ཡིས་སྲེག། ཡ་ནི་ཡང་དག་ཙ་ནི་སྐེམས།། ནི་ཞེས་པ་ནི་ཁུག་ཅིག་པའོ།། ར་ཞེས་བྱ་བ་བསྒྲལ་བ་ལ།། མ་ལས་སྐྱེས་བྱེད་སླར་སྡུད་པའོ།། བདག་ཉིད་ཡ་མ་མཐར་བྱེད་སྐུ།། སྐུ་མདོག་ལྡང་ནག་ཞལ
119b4 གཅིག་ཕྱག་གཉིས་པ།། སྐུ་ལ་ཐོད་པ་ཕྱེད་ཚལ་བརྒྱན།། དབུ་ཡི་སྐྲ་ནི་ཁམ་ནག་ལ།། རལ་པ་གྱེན་དུ་འཁྱིལ་བ་སྟེ།། ཕྱག་གཡས་ཆུ་སྲིན་དབྱུག་ཏོ་འཕྱར།། གཡོན་པ་ཕྱག་ན་ཞིང་ཆེན་ཟ་བའོ།། སྐུ་སྟོད་གླང་ཆེན་ཀོ
119b5 རློན་ལ།། སྒྲ་སྨད་རྟག་གི་ཤམ་ཐབས་ཅན།། དུར་ཁྲོད་མེ་དབུས་བཞུགས་པ་ལ།། ཡུམ་ཡང་དེ་དང་འདྲ་བར་བསྒོམ།། བཟླས་པའི་ཏིང་འཛིན་མེ་འདྲ་ལ།། བཟླས་བརྗོད་རླུང་འདྲ་གཡོ་ཞིང་བསྐྱོད།། ལྕེ་ལ་ཉི་མའི
119b6 དཀྱིལ་འཁོར་ལ།། སྟེང་དུ་བཟླས་པའི་སྙིང་པོ་དགོད།། ཐ་མ་དབྱངས་དང་བཅས་པ་ལ།། ཧྲིཥྞཱི་སྔགས་ཀྱི་ཕྲེང་བ་གདབ།། ཕར་འཕྲོས་རྣམ་ཤེས་འགུགས་པར་བསམ།། ཚུར་བསྡུས་གཤིན་རྗེ་ཉིད་ལ་ཐིམ།། འཕྲོ
iiif viewer powered by OpenSeadragon
