| e-texts navigator |
| Wylie |
119a1 གསལ་ཤིང་ཟ་མ་ལྕགས་ཀྱུའོ།། གཡོན་གྱི་དང་པོ་ཆུ་སྲིན་བར་མ་ཀ་ཏ་རི།། ཐ་མ་རྡོ་རྗེ་རྒྱ་གྲམ་བསྣམས་པའོ།། སྐུ་སྟོད་གླང་ཆེན་ཀོ་རློན་ལ།། སྐུ་སྨད་སྟག་གི་ཤམ་ཐབས་ཏེ།། ཞིང་ཆེན་གཡང་གཞིས
119a2 སྐུ་ལ་བརྒྱན།། གཞན་ཡང་དུར་ཁྲོད་རྒྱན་མཆོག་རྣམས།། མ་ལུས་སྐུ་ལ་རྫོགས་པ་ལ།། བསྐུལ་བའི་དབྱངས་འདི་བླང་བར་བྱ།། མི་ཤིགས་རྡོ་རྗེ་གར་གྱི་བདག། རྡོ་རྗེ་གསང་བའི་གཤིན་རྗེ་སྟེ།། ཕྲིན་ལས་རྒྱལ་པོ
119a3 གྲུབ་པའི་ལས།། ཨོཾ་དང་ཨཾ་དང་ཧཱུཾ་ཞེས་པ།། ཨོཾ་ནི་དཔྲལ་བའི་སྟེང་དུ་དམིགས།། ཨཾ་ནི་ལྕེ་ཡི་སྟེང་དུ་ལ།། ཧཱུཾ་ནི་ཐུགས་ཀ་ཉིད་དུའོ།། དེ་ལས་འོད་ཟེར་རབ་སྤྲོས་ཏེ།། བདག་ལུས་ནམ་མཁའ་ལྟ་བུར་གྱུར།། ཕཊ
119a4 ཅེས་བྱ་བར་རབ་བརྗོད་པས།། འཇིག་རྟེན་ཁམས་རྣམས་འོད་ཀྱིས་ཁེབས།། དེ་ཉིད་སྲེག་པ་མ་ཡིན་ཏེ།། ཡིད་ཀྱི་ཡེ་ཤེས་མེ་འབར་བ།། གཅིག་གི་སྟོང་ཉིད་གང་ཡིན་པ།། ཀུན་གྱི་སྟོང་པ་དེ་ཡིན་ནོ།། ཇི་ལྟར་མཁའ
119a5 ལ་མཚོན་སྣང་བ།། ནམ་མཁའ་ཉིད་ལས་བྱུང་བ་ལྟར།། སྔགས་ཀྱི་འཕྲོ་འདུ་བཏང་བ་ཡང་།། སེམས་ལས་བྱུང་བ་ནམ་མཁའ་ལ། རྣམ་ཤེས་སྟོང་པའི་ངང་ལ་འདུ།། བདག་ཉིད་ཆོས་ཀྱི་སྐུར་བསྒོམས་ལ།། ཞེ་སྡང
119a6 འཕྲོ་འདུ་མང་བྱས་ལ།། བསྐྱེད་པའི་སྔགས་ནི་དྲག་ཏུ་བཟླས།། ཨོཾ་མ་ཧཱ་དཾ་ཥྱོ་ཏ་ཀ་པེ་ར་ཨ་ར་ནེ་ཙ་ན་ཀ་ཏ་ཁེ་ཆེ་གེ་མོ་ལ་དུས་ཞེས་པ་དང་།། སྔགས་གོང་ནས་འབྱུང་བ་དང་།། སྤེལ་ཏེ་ལས་བྱས་ན་གདོན་མི་ཟའོ།།
iiif viewer powered by OpenSeadragon
