| e-texts navigator |
| Wylie |
117a1 པོ་ཡིས།། བགེགས་དང་ལོག་འདྲེན་གཟིར་ཅིང་གནོན།། རྔམ་པའི་ཞལ་དུ་འདི་བསྟབས་སོ།། ཨོཾ་ཆེ་གེ་མོ་ཁ་རམ་ཁཱ་ཧི། ཨོཾ་ཧྲིཥྚི་ཆེ་གེ་མོ་ཁ་རམ་ཁཱ་ཧི། ཨོཾ་ཀ་ལ་རཱུ་པ་ཆེ་གེ་མོ་ཁ་རམ་ཁཱ་ཧི། ཧུཾ་ཧཱུཾ་ཕཊ
117a2 ཕཊ་ཨ། ཉིན་ཞག་གསུམ་གྱི་བར་དུ་བཟླས།། དེ་ནས་ཕྱག་རྒྱ་གསུམ་བཅས་ཏེ།། ཡང་ནས་ཡང་དུ་གཟིར་ཅིང་གནོན།། ཕྱག་རྒྱ་དེ་དང་གསང་སྔགས་འདིས།། ལན་གྲངས་སྟོང་རྩ་གཅིག་ཏུ་བརྡེག། ཨོཾ་ཧྲིཥྚྲྀ་བཛྲ་ཡ
117a3 ཡན་པ་རྣ་སུ་པུདྡྷ་ཧུཾ་ཧུཾ་ཕཊ་ཕཊ་ཨ། ལས་དང་རྫས་དང་སྔགས་དང་ནི།། ཕྱག་རྒྱ་བརྩོན་འགྲུས་མ་ཡེངས་པར།། འབུམ་མམ་གྲངས་ནི་ཅི་མང་དུ།། ཡང་ནས་ཡང་དུ་ནན་ཏན་བྱ།། ཞེས་བཅོམ་ལྡན་འདས་འཇམ
117a4 དཔལ་འཇིགས་བྱེད་ཀྱི་རྒྱལ་པོས་རབ་ཏུ་གསུངས་སོ།། འཕགས་པ་ལས་བཞི་འཁོར་ལོ་གསང་བའི་རྒྱུད་ལས་ལོག་འདྲེན་མཐར་བྱེད་ཀྱིས་མནན་པའི་ལེའུ་སྟེ་དགུ་པའོ།། །། དེ་ནས་བཅོམ་ལྡན་འདས
117a5 གཤིན་རྗེའི་བདག་ཉིད་དེས་མཐར་བྱེད་འབྱུང་བ་འདི་ཉིད་ཀྱི་སྐུ་དང་གསུང་དང་ཐུགས་ཡོན་ཏན་ཕྲིན་ལས་ལས་ཕྱུང་ངོ་།། གནོད་སྦྱིན་མཐར་བྱེད་ཕྲིན་ལས་འདི།། དཀྱིལ་འཁོར་སྔ་མ་བཞིན་བྲིས་ལ།། བཟླས་པའི
117a6 སྙིང་པོ་བྲི་བར་བྱ།། ཡ་སྟེ་སྐྱེད་པ་མེ་སྟེ་སྲེག། ཏོས་ལ་སྙིང་རྗེ་རུ་ལ་ཆགས།། ནྡ་ནི་འབྱུང་བྱེད་ཡབ་ཀྱི་གསང་།། ཡོ་ལ་ཀུན་འབྱུང་ཏ་ལ་བསྡུ།། བདག་ཉིད་ལས་ཀྱི་མཐར་བྱེད་སྐུ།། ཡབ་ཡུམ་གཉིས་མེད་རོལ་པ
iiif viewer powered by OpenSeadragon
