| e-texts navigator |
| Wylie |
116a1 བྱ།། ལས་དང་བྱ་བ་རྩོལ་བ་རྣམས།། ཉམས་ཀྱི་ཕྱག་རྒྱ་རང་དོན་སད།། དེ་རྟགས་དཀའ་བ་མི་འགྱུར་ཏེ།། མི་ལ་ཡ་ཡི་འོག་གོས་ལ།། གི་ཝང་དག་གིས་བྲིས་བྱས་ཏེ།། འོག་ནས་འབྱུང་བའི་གསང
116a2 སྔགས་དང་།། གང་བྱ་སྤེལ་ལ་བྲིས་བྱས་ལ།། རཀྟ་དག་གི་ཁ་ཆུས་བྲན།། ཐུབ་པ་དྲུག་གི་སྙིང་པོ་བྲི།། གསང་བའི་སྔགས་འདི་དྲག་ཏུ་བརྗོད།། ཨོཾ་ཧྲིཥྚཾ་ཀྲོ་དྷ་བི་ཀྲི་ཏ། ཧྲིཥྚི་ཀྲོ་དྷི་མ་ར་ཏ། པྲ་སང་ཧེ་ཏེ་བ་མུ་ཀ་ཧེ་ཧང
116a3 ཧེ་ཧང་། ཀཱ་ལ་རཱུ་པ་ཧུཾ་ཧུཾ་ཕཊ་ཕཊ།། ཨ། དེ་སྐད་གསུང་གི་སྒྲ་བསྒྲགས་པས།། དགྲ་དང་བགེགས་དང་མུ་སྟེགས་དང་།། བདུད་དང་སྲིན་པོ་མ་ལུས་རྣམས།། གཟིར་ཅིང་གནོན་པ་དྲག་ཏུ་བྱ།། མི་མཐུན་ཕྱོགས་ཀྱི
116a4 འབྱུང་པོ་དེ།། གདུལ་བར་བྱ་བའི་དོན་ཆེད་དུ།། ཁྲོ་བོའི་སྐུ་རུ་བསྒོམ་བྱས་ཏེ།། ཐམས་ཅད་བསྒྲལ་བར་བྱ་བ་ཡི།། རང་བཞིན་གྲུབ་པ་འདི་གསུངས་སོ།། ཨོཾ་པྲ་མཱ་རྟ་ན། ན་མོ་བཛྲ་བཛྲ་ཀི་མོ་ན་ཏ། ཨ་ཧང་པྲ་ཁུ་མ
116a5 ཁུ་མ་མོ་མུ་སྟི་སྭཱ་ཧཱ།། དེ་སྐད་ཅེས་ནི་གསུངས་པ་ཡིས།། རང་བཞིན་གྱིས་ནི་དབང་དུ་འགྱུར།། བདུད་རྣམས་དག་ནི་ཁྲོ་ཞིང་གཏུམ།། སྲིན་པོ་དག་ནི་འཇིགས་ཤིང་རྔམ།། མུ་སྟེགས་ལོག་འདྲེན་རྒོལ་བར་བྱེད།། དེ
116a6 དག་འདུལ་བར་བྱ་བའི་ཕྱིར།། ཕྲིན་ལས་དམ་པ་འདི་བརྩམས་སོ།། དཀྱིལ་འཁོར་སྔ་མ་བཞིན་བྲིས་ལ།། དབུས་ཀྱི་ཕྲོ་ཕོ་བྲང་ལྟེ་བ་ལ།། བདུད་རྣམས་འདུལ་བའི་སྙིང་པོ་བྲི།། ཤར་གྱི་འཁོར་ལོའི་རྩིབས
iiif viewer powered by OpenSeadragon
