| e-texts navigator |
| Wylie |
114b1 དབང་ཉིད་དུ་གྱུར་ཏེ། ཆེད་དུ་བརྗོད་པ་འདི་བརྗོད་དོ།། ཚད་མེད་བཞི་ཡི་ཐུགས་རྗེས་ཀྱང་།། ཉོན་མོངས་དགྲ་རྣམས་ཞི་གྱུར་ཅིག། ཅེས་ཕྱོགས་བཅུ་དུས་གསུམ་གྱི་བདེ་བར་གཤེགས་པ་ཐམས་ཅད་ཀྱི་ཚེའི་དབང
114b2 བསྐུར་རོ།། འཕགས་པ་ལས་བཞིའི་འཁོར་ལོ་གསང་བའི་རྒྱུད་ལས། འཇམ་དཔལ་ཚེ་སྒྲུབ་པའི་ལེའུ་སྟེ་བརྒྱད་པའོ།། །། དེ་ནས་བཅོམ་ལྡན་འདས་གཤིན་རྗེའི་བདག་ཉིད་དེ། མཐའ་བྱེད་འབྱུང་བ་དེ་ཉིད
114b3 ཀྱི་སྐུ་དང་གསུང་དང་ཐུགས་ལས་བྱུང་ངོ་།། གཤིན་རྗེ་ལས་ཀྱི་ཕྲིན་ལས་འདི།། མྱོས་དང་མགོ་འཁོར་བྱེད་པ་དང་།། ཡིད་འཁྲུག་ཁྲག་ཏུ་སྐྱུག་པར་བྱེད།། ལོག་འདྲེན་རྣམ་པ་དྲུག་ཏུ་བསྟན།། ལོག་འདྲེན་མཐར་བྱེད
114b4 དཀྱིལ་འཁོར་ནི།། བཅུ་གཉིས་འཁོར་ལོ་རྩིབས་ཅན་དེ།། ཡི་དྭ་གས་ཀྱི་ནི་གོས་ལ་བྲི།། སུམ་བརྩེགས་ལྡན་པའི་མུ་རན་ལ།། དབྱངས་ཀྱི་ཡི་གེས་ཀུན་ཏུ་བསྐོར། ཧྲཱིཥྚིའི་སྔགས་ཀྱིས་གནོན་བྱས་ལ།། ཐ་ལ་ཐོད་པ
114b5 གཏང་བར་བྱ།། དེ་ནས་སྔགས་ཀྱི་དགང་བར་བྱ།། ཡ་མ་ན་ཏེ་ར་ཙའི་ཚོགས།། ས་སྟེ་འབྱུང་བྱེད་དོ་ཡི་རྟེན།། མེ་སྟེ་ཐམས་ཅད་སྲེག་པའོ།། བདག་ཉིད་གཤིན་རྗེ་མཐར་བྱེད་སྐུར་བསྐྱེད་ལ།། ཡུམ་ཡང་དེ་རུ་བསྒོམ
114b6 བྱས་ལ།། ཕྱོགས་བཅུ་གདུག་པ་ཐམས་ཅད་ཀུན།། མ་ལུས་ཚམ་ངམ་དྲག་པར་བྱ།། བཟླས་པའི་སྙིང་པོ་མ་ནོར་བར།། སྐྲ་དང་འདུ་བྱེད་རབ་སྤངས་ཏེ།། བདེ་ཞིང་ཡིད་འོང་གནས་དག་ལས།། རབ་ཏུ་སྡང་མིག་སྡང
iiif viewer powered by OpenSeadragon
