| e-texts navigator |
| Wylie |
113b1 བར་དུ་ནི།། ལོ་ལྔ་ལོན་པ་བཞིན་དུ་གནས།། དེ་ནས་བསྐུལ་བའི་གནས་འདི་གསུངས།། ཨེ་མའོ་ཕྱོགས་བཅུ་ཀུན་ནས་འདུས་པ་ཡིས།། ཡེ་ཤེས་རྒྱལ་པོའི་ཐིག་ལེ་འདི།། གསང་ཆེན་རྨད་དུ་བྱུང་བ་སྟེ།། རྒྱུ་དྲུག
113b2 འཁོར་བའི་སེམས་ཅན་རྣམས།། ཡེ་ནས་ལྷུན་གྱིས་གྲུབ་པའི་བཅུད།། ཐམས་ཅད་མ་ལུས་ཆོས་སོ་ཅོག། ཆོས་ཀྱི་སྐུ་འམ་ཆོས་ཀྱི་དབྱིངས།། དོན་དམ་ཚིག་དང་མངོན་སུམ་པ།། དངོས་པོ་མཚན་མ་ཐམས་ཅད་ལས།།
113b3 ཁྱབ་པའི་མྱ་ངན་ཐུགས་རྗེ་ཆེ།། ཕྲ་མོ་སེམས་ཀྱི་རང་བཞིན་ཏེ།། གཏི་མུག་མུན་པ་སེལ་བ་སྟེ།། ཉོན་མོངས་དྲི་མ་ཀུན་དང་བྲལ།། ཤིན་ཏུ་སད་པ་མྱ་ངན་འདས།། ཐུགས་རྗེའི་རང་བཞིན་གཤིན་རྗེ་སྟེ།། རྡོ་རྗེ་ཆེའི
113b4 རང་བཞིན་མི་འགྱུར་བའོ།། ཞེས་གསུངས་པས་ཕྱོགས་བཅུ་དུས་གསུམ་གྱི་བདེ་བར་གཤེགས་པ་ཐམས་ཅད་རྔམ་པའི་ཞལ་ནས་འདི་སྐད་ཅེས་གསུངས་སོ།། ཨེ་མའོ་ཕྱོགས་བཅུའི་འཇིག་རྟེན་ཡེ་ནས
113b5 དབེན།། བདེར་གཤེགས་ཐམས་ཅད་ཡེ་ནས་ལྷུན་གྱིས་གྲུབ།། མཐའ་གཉིས་སྤངས་པའི་ཡེ་ཤེས་ལྷུན་རྫོགས་པའི།། ཕྱོགས་བཅུའི་སྟོང་ཁམས་འཇིག་རྟེན་རྒྱན་དུ་བཅས།། ཐབས་དང་ཤེས་རབ་ཀྱིས་ནི་དབང
113b6 བསྐུར་ན།། བདུད་དང་སྲིན་པོ་ལོག་འདྲེན་ཚེ་བསྡུས་ཏེ།། དབང་བསྐུར་གནང་བ་དེས་ཀྱང་བྱིན་བསྐྱེད་དེ།། ཤར་ཕྱོགས་དྲི་ཟའི་གནས་ནས་ཚེ་དྲོངས་ཤིག། ཨོཾ་བཛྲ་ཀུ་ལ་ཨེ་སྭ་ཤྭ་ར་ན་ཧ་ཧ་ཧོ་ཧོ་ཧཱུཾ་ཧཱུཾ། ཞེས་ནི
iiif viewer powered by OpenSeadragon
