| e-texts navigator |
| Wylie |
112b1 ལྟར་བྱས་ནས་མི་ལ་སོགས།། ཐམས་ཅད་དབང་དུ་འདུ་བར་གསུངས།། དགྲ་བགེགས་ལ་ལྟ་སྨོས་ཅི་དགོས།། དྲག་པོའི་ཕྲིན་ལས་གྲུབ་འདོད་པས།། དགྲ་བོའི་མིང་བྱང་བྲིས་བྱས་ལ།། བམ་གྱི་ཁ་ཡི་ནང་དུ
112b2 གཞུག། རྡོ་རྗེ་རྒྱ་གྲམ་རྒྱ་ཡིས་གདབ།། ཧེ་རུ་ཀ་ཡི་ཕྱག་རྒྱས་མནན།། ཡུངས་ཀར་རྒྱལ་པོས་དྲག་ཏུ་བརྡེག། རྒྱ་ཤུགས་བཀུས་པས་དྲག་ཏུ་བླུགས།། ཉི་མ་བཞི་ལ་དྲག་ཏུ་བརྡེག། སྔགས་དང་། ཕྱག་རྒྱ་རྒྱུན་མི
112b3 བཅད།། དམ་རྫས་མཆོད་པ་ཤིན་ཏུ་དགྲམ།། རྣལ་འབྱོར་ཏིང་འཛིན་དྲག་ཏུ་བྱ།། ཡེངས་ན་བར་ཆད་འབྱུང་བར་འགྱུར།། གཡེང་བར་མི་མཛད་ཁྲོ་བོས་གསུངས།། དེས་ནི་ལས་ཀྱི་འབྲས་བུ་ཡང་།། ཤིན་ཏུ་ཟད་པ
112b4 མེད་པ་སྟེ།། མཁའ་ལ་འཕུར་དང་ས་ལ་འཛུལ།། ཆུ་ལ་བྱིང་མེད་མངོན་ཤེས་ལྡན།། ཞེས་གསུངས་སོ།། རྒྱུད་ཀྱི་རྒྱལ་པོ་ཆེན་པོ་ལས་བཞི་འཁོར་ལོ་གསང་བའི་རྒྱུད་ལས་རོ་ལངས་ཀྱི་སྒྲུབ་པ་ལ། ངན་སྔགས་ཀྱི་ཕུར
112b5 བུས་གདབ་པའི་ལེའུ་སྟེ་བདུན་པའོ།། །། དེ་ནས་བཅོམ་ལྡན་འདས་འཇམ་དཔལ་གཤིན་རྗེ་ཉིད་རང་བཞིན་ལྷུན་གྱིས་གྲུབ་པ་འདི་ཆེད་དུ་བརྗོད་དོ།། ཡེ་ཤེས་འཁྱིལ་བའི་དཀྱིལ་འཁོར་བསྐྱེད་སྟེང་ན།། ཡེ
112b6 ཤེས་ཉི་མ་གསལ་བའི་ཐིག་ཕྲན་གདབ།། མུ་ཁྱུད་ཟླུམ་པོ་སྦྲུལ་གྱི་ཞགས་པ་བྲི།། སྟེགས་བུ་ཕྱོགས་མཚམས་ཕུར་བུས་བསྐོར་བར་བྱ།། དེ་ལྟར་བྲིས་པའི་དཀྱིལ་དུ་དགོད་པ་ནི།། ཨོཾ་ནི་དབུས་ཀྱི་ལྟེ་བ་ལ།། ཤར་དུ
iiif viewer powered by OpenSeadragon
