| e-texts navigator |
| Wylie |
111b1 དང་ལྡན་པས་བཙལ།། སྟག་མོ་ག་ལ་མཆོད་སྟབས་དང་།། སེང་གེ་གངས་ལ་འགྱིང་ཚུལ་དང་། ཁྭ་སྤྱང་གཟན་ལ་རྒྱུག་ཚུལ་དང་།། བྱ་རྒོད་གཟན་ལ་འབབ་ཚུལ་དང་།། དོམ་ཆེན་རྨི་ལམ་རྨི་ཚུལ་དང་། ཁྭ
111b2 སྒེག་ཐང་ཤིང་སྙེག་ཚུལ་གྱིས།། རོ་ཡི་ཕུང་པོ་བཙལ་བར་བྱ།། རི་ལ་འདུག་ན་འགྱིང་བས་བཙལ།། སྲིབས་ལ་འདུག་ན་མཆོང་བས་བཙལ།། གདགས་ལ་འདུག་ན་འདུག་པས་བཙལ།། འོར་ན་འདུག་ན་འབབས
111b3 པས་བཙལ།། བྲག་ལ་འདུག་ན་རྨི་བས་བཙལ།། ནགས་ལ་འདུག་ན་སྙེགས་པས་བཙལ།། རྒྱལ་རིགས་ཡིན་ན་སེང་གེ་སྟངས།། བྲམ་ཟེ་ཡིན་ན་སྟག་མོ་སྟངས།། རྗེའུ་རིགས་ཡིན་ན་བྱ་རྒོད་སྟངས།། དམངས
111b4 རིགས་ཡིན་ན་དོམ་གྱིས་བྱ།། མ་ནིང་ཡིན་ན་སྤྲེའུ་ཡིས་བྱ།། དོག་ལ་ཡིན་ན་ཁྭ་སྤྱང་སྟངས།། དེ་ལྟར་རོ་ཡི་ཚོལ་སྟངས་ནི།། རྣམ་པ་དྲུག་དང་ལྡན་པས་བཙལ།། བརྟག་ནས་འོངས་པ་གྱུར་པ་དང་།། གཤིན་རྗེ་རྒྱལ
111b5 པོའི་ཚམ་ངམ་བྱ། ཁྲོ་བོ་བཅུ་ཡིས་སྟང་སྟབས་ཀྱིས།། རོ་ལ་ཀུན་ཏུ་བསྐོར་བྱས་ལ།། དཀྱིལ་འཁོར་ཆེན་པོའི་དབུས་སུ་གཞག། དེ་ལྟར་གཞག་པའི་ལས་བྱས་ནས།། མགོ་ནི་ལྷོ་ནུབ་མཚམས་སུ་བསྟན།། རྐང་པ
111b6 བྱང་ཤར་མཚམས་སུ་བསྟན།། ལག་པ་གཡས་པ་ལྷོ་ཡི་ཕྱོགས།། ལག་པ་གཡོན་པ་ནུབ་ཀྱི་ཕྱོགས།། རྐང་པ་གཡས་པ་ཤར་གྱི་ཕྱོགས།། རྐང་པ་གཡོན་པ་བྱང་གི་ཕྱོགས།། དེ་ལྟར་གན་རྐྱལ་བཞག་བྱས་ལ།། ད་ནི
iiif viewer powered by OpenSeadragon
