| e-texts navigator |
| Wylie |
109b1 དང་དཔེ་བྱད་གཟུགས་སུ་སྤྲུལ་ནས་ནི།། མ་ལུས་ཚར་གཅོད་དོན་དུ་འདི་གསུངས་སོ།། འཁོར་ལོ་རྩིབས་བརྒྱད་མུ་ཁྱུད་ཟླུམ་པོར་བཅས།། སྦྲུལ་གྱིས་རྒྱ་གྲམ་དག་གི་མཐའ་བསྐོར་ལ།། ལྟེ་བར་རྡོ་རྗེ་རྒྱ་གྲམ་བྲི་བར
109b2 བྱ།། དེ་ཡི་སྟེང་དུ་ཀ་པཱ་ལ་གཉིས་ལ།། གཅིག་ལ་གཤིན་རྗེ་དབུ་དྲུག་པ་ཡི་གཟུགས།། གཅིག་ལ་ཡུམ་ཆེན་ཁྲོ་གཉེར་གཟུགས་བྲིས་ལ།། ནང་དུ་དགྲ་བོ་རྐང་རྗེས་ས་དང་ནི།། བྲི་དང་དེ་བཞིན་ཁྲག་སྣ་གསུམ།། ཐལ
109b3 ཆེན་རྒྱ་ཤུག་བསྐུས་པའི་ཁུ་བ་དང་།། བརྫིས་ལ་དགྲ་བོའི་གཟུགས་བྱས་ལ།། བཅུག་ལ་སྐུད་པ་དཀར་པོས་བཅིང་།། དཀྱིལ་འཁོར་ཐོག་ཏུ་གཞག་པར་བྱ།། ཨོཾ་ཡ་མཱནྟ་ཀ། ཧྲཱི་ཥྚི་བཛྲ་ཀྲོ་དྷ་ཡ་མཱནྟ་ཀ་བཛྲ་ཀྲོ་དྷ་ཕཊ
109b4 ཕཊ་ཨ། ཞེས་བརྗོད་པ་ཙམ་གྱིས་ནི། ཡབ་ཡུམ་སྐུ་མདོག་མཐིང་ནག་ལ།། དབུ་སྐྲ་ཁམ་ནག་རལ་པ་གྱེན་དུ་བརྫེས།། དབུ་ལ་ཐོད་པ་རློན་པས་བརྒྱན།། སྐུ་ལ་སྦྲུལ་ནག་ཆུན་པོ་དང་།། ཞབས་བཞི་བརྐྱང་བསྐུམ
109b5 ཚུལ་དུ་བཞུགས།། ཕྱག་དྲུག་ཕྱག་མཚན་བསྣམས་པ་ནི།། གཡས་ཀྱི་དང་པོ་སྡིགས་མཛུབ་ལ།། རྒྱུ་ཞགས་ལྕགས་ཀྱུ་བར་ཐ་མ།། དུང་ཆེན་ཏྲི་ཤཱུལ་གསལ་ཤིང་གཡོན།། དེ་ལྟར་ཆ་ལུགས་གསལ་བ་དང་།། དབྱངས
109b6 འདི་བླང་བར་ནན་ཏན་བྱ།། ཧཱུཾ་རྔམ་པའི་རྒྱལ་པོ་ཁྲག་འཐུང་གཤིན་རྗེ་གཤེད། ཁམས་གསུམ་དབང་སྡུད་རྟགས་སུ་ཞལ་གསུམ་པོ།། དབྱིངས་ནས་སྤྲུལ་པའི་ཡབ་ཡུམ་ལྷུན་གྱིས་གྲུབ།། ལས་ངན་འཁྲུལ་པའི་སེམས
iiif viewer powered by OpenSeadragon
