| e-texts navigator |
| Wylie |
109a1 ལས།། ངོ་མཚར་ཡ་མཚན་བསྒྲག་པར་བྱ།། ཨེ་མའོ་ཡབ་ཡུམ་གཉིས་མེད་རོལ་པའི་མཁའ་དཀྱིལ་ནས།། ཕྱོགས་བཅུར་འཕྲོ་བ་བྱང་ཆུབ་སེམས།། རིགས་ཀྱི་ཡབ་དང་དེ་བཞིན་བཙུན་མོ་ནི།། རྟག
109a2 པར་བསྒོམས་ཏེ་དེ་བཞིན་གཤེགས་པར་བྱ།། རྫས་དང་ཕྱག་རྒྱ་སྔགས་དང་བཅས་རྣམས་ནི།། གཟུགས་དང་འདོད་པའི་འབྲས་བུ་གང་འདོད་གྲུབ་པར་རོ།། མི་དགེ་བཅུ་དང་ལྡན་པའི་རྣམ་པར་འདྲེན་པ་དེར་བྱས
109a3 ཏེ།། སྔགས་དང་ཕྱག་རྒྱ་རྫས་རྣམས་དང་།། གའུ་པདྨ་དམ་པ་དང་། ཁམ་པ་རྫ་ཡི་འཇི་བ་ཡིས། ཁྲག་སྣ་གསུམ་དང་གི་ཝང་ངོ་།། དེ་དག་ཕྲིན་ལས་མཆོག་ཡིན་ཏེ།། གྲུབ་པར་འགྱུར་བ་གདོན་མི་ཟ།། བླ་མེད་དཔའ
109a4 བོས་ཡང་དག་གསུངས།། ཕྱོགས་བཅུའི་གདུག་པ་མ་ལུས་ཀུན།། འདུལ་བར་འགྱུར་ཏེ་ཐེ་ཚོམ་མེད།། འཕགས་པ་ལས་བཞི་འཁོར་ལོ་གསང་བའི་རྒྱུད་ལས་དྲག་པོའི་ལེའུ་སྟེ་ལྔ་པའོ།། །། དེ་ནས་བཅོམ་ལྡན
109a5 འདས་འཇམ་དཔལ་གཤིན་རྗེ་གཤེད།། ཡེ་ཤེས་ལྷུན་གྱིས་གྲུབ་པའི་ངང་ལ་ལོངས་སྤྱོད་པར་བྱ་བའི་ཕྱིར། ཆེད་དུ་བརྗོད་པ་འདི་བརྗོད་དོ།། རང་བཞིན་འཕགས་པ་ཀུན་དུ་ཤེས་རབ་སྟེ།། དེ་བཞིན་རྣམ་པར་མི་རྟོག
109a6 ཡིན་པས་ན།། འདི་གཉིས་ཆོས་ཀྱི་སྐུ་ཞེས་རབ་ཏུ་བཤད།། ཆོས་ཀྱི་ལོངས་སྤྱོད་འདུལ་བའི་དོན་ལ་རྒྱས།། འགྲོ་བའི་དོན་རྫོགས་མ་ལུས་སྐུར་འབྱུང་དང་།། བདུད་དང་མུ་སྟེགས་སྲིན་པོ་གདུལ་བའི་ཕྱིར།། མཚན
iiif viewer powered by OpenSeadragon
