| e-texts navigator |
| Wylie |
107a1 གཞན་ཡང་རབ་བཤད་པ།། དཀྱིལ་འཁོར་སྔ་མ་བཞིན་བྱས་ནས།། ས་ཞག་གསེར་ལས་གྲུབ་པ་ལ།། གཟུགས་ནི་དམ་པ་རབ་ཏུ་བྱ།། ཕྱི་གན་གན་རྒྱལ་མནན་བྱས་ལ།། ནང་ཧཱུཾ་པྲཥྚི་ཨ་བུ་ཙེ་སྭཱ་ཧཱ།
107a2 སྙིང་གར་བྲིས་ནས་བརྗོད་བྱ་བ།། སྙིང་པོ་སྔགས་ཀྱི་དམ་པ་སྟེ།། བླ་མེད་དམ་པས་རབ་ཏུ་བཤད།། ཨོཾ་བཛྲ་པུཥྚིཾ་ཨཱ་ཡུ་བ་ཤང་ཤྲཱི་པུཥྚི་སྭཱ་ཧཱ་ཞེས་བརྗོད་ན་ཐམས་ཅད་རྒྱས་པར་འགྱུར་རོ།། འཕགས་པ་ལས་བཞི
107a3 འཁོར་ལོ་གསང་བའི་རྒྱུད་ལས། ཐམས་ཅད་རྒྱས་པར་བྱ་བའི་ལེའུ་སྟེ་གསུམ་པའོ།། །། དེ་ནས་བཅོམ་ལྡན་འདས་དེ་བདག་ཉིད་དབང་གིས་འདུ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་ཆེད་དུ
107a4 བརྗོད་པ་འདི་བརྗོད་དོ།། ཟངས་ལས་འབྲེལ་བའི་ཡུལ་དག་ལ།། རང་དབང་མེད་དེ་དབང་བསྡུས་ནས།། འདུ་བའི་སེམས་དང་ལྡན་བྱས་ཏེ།། དཀྱིལ་འཁོར་རབ་ཏུ་བཤད་པར་བྱ།། ཟངས་སམ་དམར་པོའི་ས་དག
107a5 ལ། དཀྱིལ་འཁོར་སྔ་མ་དག་དང་འདྲ།། ལེགས་པར་ཁོད་སྙོམས་ཟིན་པ་དང་།། ཐིག་ནི་རབ་ཏུ་གདབ་པར་བྱ།། ལྟེ་བ་ཅན་ལ་རྩིབས་བརྒྱུད་པ།། ཀུན་དུ་ཟླུམ་པས་རྒྱས་པ་མཐའ།། ལྟེ་དབུས་གཞུ་བདུངས་བྲིས
107a6 བྱས་ལ།། དེ་སྟེང་བདག་པོ་དམ་པ་གཞག། ཐམས་ཅད་མ་ལུས་མཆོག་ཏུ་འགུགས།། ས་པ་ལ་ཡང་ཐོགས་པ་མེད།། ཞེས་ནི་ཡང་དག་བླ་མེད་དེས།། བཤད་པར་བྱ་སྟེ་རབ་ཏུ་བསྟན།། གཞན་ཡང་རབ་ཏུ་བཤད་བྱ
iiif viewer powered by OpenSeadragon
