| e-texts navigator |
| Wylie |
106a1 ལམ་མོ་གསུམ་རྣམས་སོ།། སྒོ་སྒོར་སྒོ་སྲུང་མ་རྣམས་བྲི།། དེ་ཡི་ཡུམ་དང་བཅས་པ་རྣམས། ཁྲ་བོ་ཉིད་དང་སྐུ་མཐུན་པའོ།། སེམས་དཔའི་འདུག་སྟངས་གནས་བྱས་ལ།། སྒེག་མོ་གཡོན་དུ་བསྟེན་བྱས
106a2 ལ།། སྔགས་གཡོག་མཛེས་པར་ཚོགས་བྱས་ལ།། མགུ་བའི་ཕྲིན་ལས་བརྩམ་པར་བྱ།། སྐེ་ཚེ་ཐལ་བ་རུས་པ་ལ།། ཛམྦྷ་ལ་ཡི་གཟུགས་ལྟ་བུར།། བྱས་ལ་སྙིང་གར་བྲི་བ་ནི།། ཨ་མ་པ་ལ་སི་ཏིའམ།། གང་འདོད་པ
106a3 ཡི་ཡི་གེ་དེ།། ཕཊ་དང་སྭཱ་ཧཱས་དམ་ལྟར་བྱ།། མིང་བྱང་གོང་ལྟར་བྲི་བྱས་ལ།། གང་ལྟར་འཚམ་པ་བཞིན་དུ་བཞག། དེ་ལ་འདི་ཡང་རབ་ཏུ་བརྗོད།། ཨོཾ་ཨ་ཀྲོ་བཛྲ་ཤཱནྟི་ན་ག་བཛྲ་སྭཱ་ཧཱ། ཨོཾ་ཨ་ཀྲོ་ཏེ་ཀ་ཤཱནྟི་བ་ལ་བུཾ
106a4 ཞེས་བརྗོད་ལ་སྙིང་གར་བརྒྱབ་ན། ཐམས་ཅད་མགུ་ནས་དང་བའི་སེམས་ཀྱིས་ཞི་བར་འགྱུར་རོ།། དེ་ནས་ཞི་བའི་ལས་བྱས་ཟིན་ནས། ཕྱོགས་བཅུའི་གདུག་པ་ཞི་བར་བྱ་སྟེ། བདག་ལ་མི་དགའ་བ་མེད་ན
106a5 ལས་འགྲུབ་པ་ཡིན་ནོ།། འཕགས་པ་ལས་བཞི་འཁོར་ལོ་གསང་བའི་རྒྱུད་ལས། ཐམས་ཅད་ཞི་བའི་ལེའུ་སྟེ་གཉིས་པའོ།། །། དེ་ནས་བཅོམ་ལྡན་འདས་ཀྱིས་ཐམས་ཅད་རྒྱས་པར་བྱ་བ་འདི་ཆེད་དུ་བརྗོད
106a6 དོ།། གསེར་ལས་གྲུབ་པའི་ཡུལ་དག་ལའང་།། དཔལ་རྒྱས་སེམས་དང་ལྡན་བྱས་ཏེ།། རྒྱས་པར་བྱ་བའི་སེམས་ཀྱིས་སུ།། དཀྱིལ་འཁོར་དམ་པ་བཤད་པར་བྱ།། དཀྱིལ་འཁོར་སྔ་མ་བཞིན་བྱས་ལ།། བ་ཡི་ཆག
iiif viewer powered by OpenSeadragon
