| e-texts navigator |
| Wylie |
104a1 རངས་པར་གྱུར་ཏེ་འདི་སྐད་ཅེས་གསོལ་ཏོ།། སྐུ་གསུང་ཐུགས་ཀྱིས་འགྲོ་བ་རང་རང་འདུལ།། དབྱིངས་ལས་འདྲེན་པ་རྡོ་རྗེ་གསོར་བྱས་ཏེ།། འདི་ལྟར་འདུལ་བར་མཛད་པ་ངོ་མཚར་ཆེ།། ཞེས་བརྗོད
104a2 དོ།། སྐུ་ལ་ཞུགས་ནས་མི་སྣང་བར་གྱུར་ཏོ།། དེ་ནས་དེ་བཞིན་གཤེགས་པ་ཐམས་ཅད་ཁྲོ་བོས་འདུལ་བར་མཁྱེན་ནས་འདི་སྐད་ཅེས་གསུངས་སོ།། ཁྲ་དང་སྦྱང་ཀི་སྲིན་མོ་མུ་སྟེགས་རྣམས།། བདུད་དང་ལོག
104a3 འདྲེན་ཐམས་ཅད་ཚར་གཅད་ཕྱིར།། ཆོས་ཉིད་སྒྱུ་མ་ལྟ་བུ་སྤྲུལ་ནས་ཕྲིན་ལས་མཛད།། ཅེས་གསུངས་པས། འཁོར་རྣམས་ངོ་མཚར་དུ་གྱུར་ཏེ། འདི་སྐད་དུ། ཨེ་མའོ་ཆེ་བའི་ཡོན་ཏན་ཀུན་ལ་ཁྱབ་པ་ལ།། ངང་གིས
104a4 ཁྲོ་བོར་བསྟན་པ་འདི་ལྟ་བུ།། ངོ་མཚར་རྨད་བྱུང་སྤྲུལ་པ་འདི་ལྟ་བུ།། རབ་ཏུ་མི་སྲུན་འདུལ་བ་ངོ་མཚར་ཆེ།། ཞེས་གསོལ་ཏོ།། དེ་ནས་བཅོམ་ལྡན་འདས་ཀྱིས་མ་བསྐུལ་བར་འདི་སྐད་ཅེས་གསུངས་སོ།། ཁྱད་པར
104a5 རིམ་པར་བསྟན་པའི་ཁྲོ་གཉེར་ནི།། ཡེ་ཤེས་དབྱིངས་ཀྱིས་ཀུན་ལ་ཁྱབ་པར་སྟོན།། ཁྲོ་བོ་བཞི་དང་བརྒྱད་དང་བཅུ་ལ་སོགས།། སྟོན་པ་མཆོད་ཕྱིར་ཁྲོ་བོ་མང་པོ་བསྟན།། ངང་ཁྲོ་ཀུན་ཁྱབ་ཤུགས་ཁྲོ་རང་རང་འདུལ
104a6 བ་ཡིས།། བྱེ་བྲག་སོ་སོར་རབ་ཏུ་ཤེས་བྱ་ལ།། མཚན་མ་དྲག་པོ་ཞི་བ་དབང་དང་རྒྱས།། གོ་རིམས་བཟློག་སྟེ་རབ་ཏུ་བཤད་པར་བྱ།། ལྟེ་བར་བཅས་པའི་རྩིབས་ཅན་ལ།། འཁོར་བ་གཅོད་བྱེད་རྩེ་མོ་ཅན།། གྲུ
iiif viewer powered by OpenSeadragon
