| e-texts navigator |
| Wylie |
103a1 དང་ཁྲོ་མོ་ལ་སོགས་པ་ཐམས་ཅད་མགུ་བར་གྱུར་ཏོ།། དེ་ནས་བཅོམ་ལྡན་འདས་འཇམ་དཔལ་གཤིན་རྗེ་གཤེད་ཆེན་པོ་ལ་འདི་སྐད་ཅེས་གསོལ་བ་བཏབ་བོ།། སེམས་ཅན་འཁོར་བས་གདུངས་པ
103a2 ལ།། མྱ་ངན་འདས་པའི་ལམ་མཆོག་བསྟན།། བསྟན་པ་དམ་པ་འདི་གསུངས་པས།། ཐམས་ཅད་སྒྲོལ་བ་ངོ་མཚར་ཆེ།། ཞེས་གསོལ་ཏོ།། དེ་ནས་དེ་བཞིན་གཤེགས་པ་ཐམས་ཅད་ཡུམ་དང་གཅིག་དུ་འདུས་ཏེ། འདི
103a3 སྐད་ཅེས་གསུངས་སོ།། སྤྲུལ་པའི་སྐུ་དག་ཚད་མེད་དཔག་ཏུ་མེད།། ཐུན་མོང་མ་ཡིན་འཇམ་དཔལ་གཤིན་རྗེ་གཤེད།། སྐུ་གསུང་ཐུགས་ཀྱི་ཕྲིན་ལས་རྨད་དུ་བྱུང་།། མི་དགེ་བཅུ་དང་མཚམས་མེད་ཚར་གཅད
103a4 པ།། ཟུག་རྔུ་མི་མངའ་ཆོས་ཉིད་རྨད་པོ་ཆེ།། ཆོས་ཀྱི་སྐུ་དང་ལོངས་སྤྱོད་རྫོགས་པའི་སྐུ།། སྤྲུལ་པའི་སྐུ་དང་གསུམ་ནི་དོན་དམ་ཀུན་ཏུ་སྦྱོར།། ཕྱོགས་བཅུ་བདེ་བར་གཤེགས་པ་ཐུགས་ཀྱི་དཔལ།། ཡང་དག་ཡེ་ཤེས
103a5 དཔལ་ཡིན་འཇམ་དཔལ་ཡིན།། ཞེས་བསྟོད་དེ་གཉིས་སུ་མེད་པར་གྱུར་ཏོ།། དེ་ནས་དེ་བཞིན་གཤེགས་པ་དམ་པ་དེ་ལ་འཁོར་གྱིས་དེ་བཞིན་དུ་གསོལ་བ་ལ་དགྱེས་ཏེ། འདི་སྐད་ཅེས་གསུངས་སོ།། ཞི་བ་གཉིས
103a6 མེད་ཆོས་ཀྱི་ངང་ཉིད་ལས།། སྙིང་པོ་གཉིས་མེད་བྱང་ཆུབ་སེམས་པའི་དོན།། ཐམས་ཅད་འདུས་པའི་བླ་མེད་དམ་པ་སྟེ།། དེ་བཞིན་གཤེགས་པའི་སྙིང་པོ་འདི་བཤད་དོ།། ཨོཾ་སརྦ་ཏ་ཐཱ་ག་ཏ་ཨེ་ཧྱེ་ཧི་ཏ་ཐཱ་ག་ཏ་པྲ་བ
iiif viewer powered by OpenSeadragon
