| e-texts navigator |
| Wylie |
102b1 རྒྱ་གར་སྐད་དུ། ཨཱརྱ་མཉྫུ་ཤྲཱི་ཀརྨ་ཙ་ཏུ་ཤྩ་ཀྲ་གུ་ཧྱ་ཏནྟྲ། བོད་སྐད་དུ། འཕགས་པ་འཇམ་དཔལ་ལས་བཞི་འཁོར་ལོ་གསང་བའི་རྒྱུད། འཕགས་པ་འཇམ་དཔལ་ཡེ་ཤེས་སེམས་དཔའ་ལ་ཕྱག་འཚལ
102b2 ལོ།། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་དགྱེས་པ་ཆེན་པོར་གྱུར་ཏེ། ཡུམ་ཆེན་མོ་དང་གཉིས་སུ་མེད་པའི་མཁའ་ལ་བཞུགས་པ་འདི་ལྟ་སྟེ། འཁོར་ཁྲོ་བོ་དང་། ཁྲོ་མོ་དང་། མ་མོ་དང་།
102b3 མངག་གཞུག་དང་། འབངས་ལ་སོགས་པ་རྣམས་ཀྱིས། དེ་བཞིན་གཤེགས་པ་ཆེན་པོ་ལ་འདུད་པའི་ཚུལ་དུ་བཞུགས་སོ།། དེ་ནས་བཅོམ་ལྡན་འདས་བཙུན་མོ་དང་གཉིས་སུ་མེད་པར་གྱུར། སྐྱེ་འགག་དང་བྲལ་བའི
102b4 དོན་འདི་སྟོན་ཏོ།། ཡེ་ནས་མ་སྐྱེས་གཤིན་རྗེ་ཆེན་པོའི་ཚོགས།། རྣམ་དག་དབྱིངས་ཀྱི་རང་ཉིད་རྣམ་པར་དག་པ་ལ།། གཉིས་མེད་འདུས་པའི་སྲས་མཆོག་གཤིན་རྗེ་གཤེད།། ཐབས་དང་ཤེས་རབ་རྣམ་པར་དག་པ
102b5 ཡི།། ཀུན་གྱི་ཡེ་ཤེས་ཐས་ཅད་འདུས་པ་སྟེ།། ཐུགས་རྗེ་ཆེན་པོས་འགྲོ་བའི་དོན་མཛད་པ།། སེམས་ཅན་མ་ལུས་མྱ་ངན་འདས་པའི་ལམ།། ཡེ་ཤེས་ཐམས་ཅད་དེ་ཡི་ངང་ལ་རྫོགས།། འཁོར་བའི་ཉེས་སྐྱོན་ཐམས
102b6 ཅད་ཚར་གཅོད་ཕྱིར།། འདོད་ཆགས་འདུས་པའི་དཔལ་ལྡན་གར་གྱི་བདག། བྱེ་བ་ཕྲག་བརྒྱ་དཔག་ཏུ་མེད་པར་ཡང་།། འདུལ་བའི་དབང་གིས་དེ་ལྟ་བུ་ཡི་གཟུགས་སུ་བསྟན།། ཞེས་གསུངས་པས་འཁོར་གྱི་ཁྲོ་བོ
iiif viewer powered by OpenSeadragon
