| e-texts navigator |
| Wylie |
100b1 བཞེན་ཆགས་བྲལ།། ཆོས་སྐུ་འགག་མེད་ལྷུན་གྱིས་གྲུབ།། སྲོག་མེད་སྲོག་ཀྱང་གཅད་དུ་མེད།། སྲོག་ཉིད་ཡེ་ནས་རྒྱུན་མི་འཆད།། མ་གཡོས་གཡོས་མེད་གཡོ་བ་མེད།། མ་སྦྱངས་སྦྱང་བ་མེད་པའི་མཆོག། ཟིལ
100b2 གྱིས་གནོན་པའི་ས་རུ་བསྟན།། ས་ནི་སྲ་བྱེད་རྡོ་རྗེའི་ས།། སྲོག་ཅེས་བྱ་བ་འཁྲུལ་པ་སྟེ།། འགྱུར་བ་མེད་པར་ལྷུན་གྱིས་གྲུབ།། མ་བཙལ་བགྲོད་ཐབས་མེད་པའི་སར།། ཐིག་ལེ་གཅིག་གི་ངང་ཉིད་ལས།། བདེ་ལམ
100b3 འཇོག་པོ་བརྒྱད་ལྡན་པའོ།། རང་ཉིད་ལྷུན་གྱིས་གྲུབ་པའི་སྐུ།། དབུ་གསུམ་ཕྱག་དྲུག་ཞབས་བཞིར་བགྲད། ཁམས་གསུམ་རྣམ་ཐར་སྐུ་གསུང་ཐུགས།། མཚན་མ་དག་ནས་འབྲས་བུ་གྲོལ།། ཕ་རོལ་ཕྱིན་དྲུག་རྣམ
100b4 དག་ཕྱིར།། རིགས་དྲུག་མངོན་པར་སངས་རྒྱས་གྲོལ།། ཞབས་བཞི་སྐྱེ་མཆེད་རྣམ་དག་ནས།། ཚད་མེད་བཞི་དང་རྫུ་འཕྲུལ་རྐང་།། སྐུ་ཆེན་རྔམས་པས་ཕུང་པོའི་བདུད།། བཅོམ་ནས་ཡེ་ཤེས་ལྷུན་གྱིས
100b5 གྲུབ།། འབྲས་བུ་ཆོས་ཉིད་རྣམ་དག་གྲོལ།། ཕྱག་རྒྱ་ཚུལ་དགུ་ཆས་དགུ་ཡིས།། ཆགས་སྡང་ལྔ་དང་སྐྱེ་མཆེད་བཞི།། མཚན་དང་དཔེ་བྱད་གནས་སུ་གྲོལ།། ངོ་བོ་ཉིད་དུ་ཡེ་སངས་རྒྱས།། ཡོན་ཏན་འཕེལ་འགྲིབ་མེད
100b6 པར་བཤད།། སྲོག་དམར་ལེན་སྤུ་གྲིའི་རྒྱུད་ལས་ཡོན་ཏན་ཆེ་བའི་ལེའུ་སྟེ་བཅུ་གསུམ་པའོ།། སྭ་ནཐཿ།། དེ་ནས་བཅོམ་ལྡན་འདས་ཀྱིས་འཁོར་ལ་གདམས་པ་འདི་གསུངས་སོ།། ཨེ་མ་ཧོ་ཆོས་སྐུ་བྱང་ཆུབ
iiif viewer powered by OpenSeadragon
