| e-texts navigator |
| Wylie |
9b1 དབྱིངས།། འགྲོ་ཀུན་ཡོངས་ལ་ཨ་ཅང་ཆེས།། དེ་ནས་གསང་བའི་བདག་པོ་ངོ་མཚར་དུ་གྱུར་ནས། ཡང་འདི་སྐད་ཅེས་གསོལ་ཏོ།། བདག་ཅག་འདུས་པའི་འཁོར་ཚོགས་རྣམས།། མ་རིག་གཉིས་ཀྱིས་བསྒྲིབས་པར
9b2 གྱུར།། རྣམ་པར་ཕྱེ་སྟེ་དོན་རྒྱས་པར།། དཔའ་བོ་ཆེན་པོས་བཤད་དུ་གསོལ།། ཡེ་ཤེས་གསལ་བར་བཤད་དུ་གསོལ།། བཅོམ་ལྡན་འདས་འཇིགས་བྱེད་ཆེན་པོས་བཀའ་སྩལ་པ། འདི་ནི་ཤིན་ཏུ་ཟབ་པའོ།། བརྟག
9b3 པ་བྲལ་བའོ།། ཐུན་མོང་མ་ཡིན་པར་རིག་པར་བྱའོ།། སྐལ་ལྡན་རྣམས་ལ་རྒྱས་པར་བཤད་ཀྱིས་ཉོན་ཅིག། འདི་ལྟ་སྟེ། ཆོས་ཐམས་ཅད་སྤྲོས་པའི་མཚན་མ་ཐམས་ཅད་དང་བྲལ་བ་འདི་ནི། གཏན་ཚིགས་གསུམ
9b4 གསུམ་སྟེ། ཡེ་ནས་ཟུག་རྔུ་མེད་པའི་འཇམ་པའི་ངང་དང་། ཡེ་ནས་ཡིན་པའི་རང་བཞིན་དང་། གཉིས་སུ་མེད་པའི་བདག་ཉིད་ཆེན་པོའོ།། དེ་ལྟ་བུའི་དོན་དེ་ནི་རྣམ་པ་ཅིར་ཡང་གསལ་བའོ།། མཚན་ཉིད་ཐམས་ཅད
9b5 དང་བྲལ་བའོ།། རང་བཞིན་ཀུན་གྱི་དངོས་གཞི་སྟེ། ཡིད་བཞིན་གྱི་ནོར་བུ་ལྟར་སྣང་བའོ།། འདི་ནི་བདེ་བ་ཆེན་པོ་ཞེས་བྱ་སྟེ། རྟོག་པའི་ཡུལ་དང་བྲལ་བའོ།། འདི་ནི་རྒྱུ་རྐྱེན་དང་བྲལ་བ་སྟེ། རང་བྱུང་ཡེ་ཤེས
9b6 སོ།། ཐམས་ཅད་སེམས་སུ་མཉམ་པ་སྟེ། མཉམ་པ་ཉིད་ཀྱི་ཡེ་ཤེས་སོ།། ཐམས་ཅད་མེ་ལོང་གི་གཟུགས་བརྙན་ལྟར་གསལ་བ་སྟེ། མེ་ལོང་ལྟ་བུའི་ཡེ་ཤེས་སོ།། འདི་ནི་མཚན་ཉིད་ཀྱིས་མ་འདྲེས་པར་གསལ་ཏེ། སོ
iiif viewer powered by OpenSeadragon
