| e-texts navigator |
| Wylie |
98a1 ངེས་ན།། ཕུང་བར་འགྱུར་ཏེ་གདོན་མི་ཟ།། གདོན་དང་ཕྱེ་མ་རྣམ་པ་གཉིས།། གདོན་གྱི་རྫས་ལ་ནུས་པ་ཡོད།། ཕྱེ་མ་གདོན་གྱི་བྱ་བ་དེ།། ཟླ་གསང་ནག་པོའི་རྒྱུད་ལས
98a2 །
98a3 གསུངས།། གཟའ་བདུད་རྒྱུ་བའི་དུས་ངེས་ན།། རྗེས་དང་དྲི་མའི་འདག་པ་ལ།། གོས་དུམ་དྲི་མ་རྙིང་པ་དང་།། གདུག་པའི་གཟུགས་བརྙན་བཞི་བྱས་ཏེ།། རྣམ་གྲངས་ནད་དུ་གསད་བྱ་ན།། གོང་མའི
98a4 རྫས་དང་ཚ་བ་གསུམ།། བསྲེས་ཏེ་གཟུགས་བརྙན་བྱ་བར་གསུངས།། མྱུར་དུ་གསད་པའི་སྦྱོར་བ་ནི།། གོང་མའི་སྟེང་དུ་ཧ་ལས་བྱ།། གོང་མ་བཞི་ལ་ལྕགས་ཕྱེ་དང་། ཁྲག་གི་སྦྱོར་བས་དྲི་ཉིད
98a5 དུ།། ཏིལ་དང་སྐེ་ཚེ་ཉུང་ནག་དང་། ཁྲག་སྣ་ཟི་ར་གུ་གུལ་དང་།། གོང་གི་རྫས་ཀྱིས་མ་ངེས་གསད།། དུར་ཁྲོད་རས་སམ་ཤིང་ཤུན་ལ།། སྐྱང་ནུལ་བྱས་ཏེ་སྨུག་ནག་གམ།། ཡང་ན་སྔོ་ནག་དམར་པོར
98a6 བྱ།། དེ་ལ་བརྣག་པའི་སྦྱོར་བ་བྱའོ།། མྱུར་དུ་དབབ་པའི་ལས་བྱ་ན།། དམ་སྲི་ཡུལ་གྱི་ཆུ་སོགས་བསག། ཡུགས་ས་མོའམ་རབས་ཆད་ཐོད།། ཡང་ན་མཛེ་ཅན་ཐོད་པ་རུ།། མི་ཁྲག་ཁྱི་ཁྲག་ར་ཁྲག
98a7 དང་།། མངལ་ཁྲག་ལ་སོགས་དམེ་ཁྲག་སོགས།། བ་དཀར་འོ་མ་མཛོ་དང་རའི།། འོ་མ་ལ་སོགས་སྦྱར་བར་བྱ།། སྔོ་སྣ་དུག་སྣ་གུ་གུལ་སྦྱར།། གང་འབེབས་ཆུ་མིག་ཀླུ་ཡོད་སར།། བསྲེགས་སམ
iiif viewer powered by OpenSeadragon
