| e-texts navigator |
| Wylie |
97b1 པའོ།། ནག་པོ་ཆེན་པོ་འཁོར་ལོ་ཐོགས།། གདོན་གྱི་གཙོ་བོར་སྤྲུལ་ཏེ་འོང་།། རྒྱུ་བའི་དུས་དང་མཚུངས་ངེས་ན།། མཚན་མ་མྱུར་དུ་ཕུང་བར་འགྱུར།། དེ་ལ་དབབ་གསད་སྦྱོར་བ་བརྒྱད།། ངེས་པར
97b2 རྒྱུ་བའི་དུས་སུ་བྱ།། དཀྱིལ་འཁོར་འདོམ་གང་གྲུ་བཞི་ལ།། གྲུ་བཞིའི་དཀྱིལ་འཁོར་དབུས་སུ་ནི།། འཁོར་ལོ་རྩིབས་བརྒྱད་དབུས་སུ་ཨེ།། ཕྱོགས་མཚམས་བརྒྱད་ལ་ཨེ་བརྒྱད་བཀོད།། ཨེ་དགུ
97b3 ནག་པོའི་འཁོར་ལོ་བསྐོར།། འཁོར་ལོའི་རྩིབས་ལ་སྤྲུལ་པ་བརྒྱད།། བསྐྱེད་ལ་དབབ་གསད་སྦྱོར་བ་བྲི།། དབུས་སུ་གཤེད་པོ་ཡབ་ཡུམ་སྟེ། ཁཱ་ཧིར་བཅས་པས་གཏོར་མ་སྦྱིན།། ཕྱོགས་མཚམས
97b4 བརྒྱད་ཀྱི་སྤྲུལ་པ་ལ།། སོ་སོའི་ལས་ཀྱི་བྱ་བ་བརྩམ།། དགུག་དང་བརྡེག་དང་བསྟབ་པའི་ལས།། འགྲོགས་པའི་ཚུལ་ཏེ་གདོང་ཚུགས་མེད།། བསྲེག་དང་མཆོད་པ་ལ་སོགས་པ།། ཕྱོགས་མཚམས
97b5 བརྒྱད་ནས་དྲངས་ཏེ་དབུལ།། ཕྱོགས་མཚམས་བརྒྱད་དུ་གསད་པ་སྟེ།། དབུས་ཀྱི་ཨེ་ལ་བསྲེག་པའོ།། སྤྲུལ་པའི་མགོ་བོ་རྒྱུ་བའི་ཚེ།། བརྣག་པའི་དཔྲལ་བའི་དབྱིངས་སུ་གདབ།། རྐང་པ་གཡས
97b6 གཡོན་རྒྱུ་བ་ནི།། བོལ་གོང་གཡས་གཡོན་གཉིས་སུ་གདབ།། སྤྲུལ་པ་ཡན་ལག་གོ་རིམ་བཞིན།། གདབ་པའི་ལས་ཀྱང་དེ་བཞིན་གདབ།། ཚེར་མ་ཅན་གྱི་ཤིང་ལ་བསྲེག། རྒྱུ་བའི་དུས་སུ་མཚུངས
iiif viewer powered by OpenSeadragon
