| e-texts navigator |
| Wylie |
95b1 བྱ།། ཡེངས་ན་གང་ཡང་མི་འགྲུབ་སྟེ།། རྟག་ཏུ་མི་དང་ཉེ་མི་བྱ།། ཐར་མ་བཅས་པའི་ཐོད་པ་དེ།། གོང་གསུམ་བཙན་གྱི་འདུ་སའམ།། བྲག་བཙན་ཀླུ་བཙན་ཡོད་སར་སྦ།། གང་ལ་བྱ་བ་འཇོམས་པར
95b2 འགྱུར།། འཇམ་དཔལ་གཤིན་རྗེ་ཟླ་གསང་ནག་པོའི་རྒྱུད་ལས། འཇིག་རྟེན་གྱི་ཁམས་མེས་བསྲེག་པ་བཙན་གྱི་ཟླ་གསང་ནང་ལྟར་བསྒྲུབ་པའི་སྐབས་ཏེ་ལེའུ་ང་གཉིས་པའོ།། །། དེ་ནས
95b3 བཅོམ་ལྡན་འདས་འཇིགས་བྱེད་ཆེན་པོས་བཙན་གསང་བ་ལྟར་བསྒྲུབ་པ་འདི་གསུངས་སོ།། དགོན་པ་དུར་ཁྲོད་ལྟ་བུ་རུ།། དཀྱིལ་འཁོར་མཐིང་ནག་གྲུ་གསུམ་བརྩིག། དབུས་སུ་རབས་ཆད་ཐོད་པ
95b4 རུ། ཁྲག་སོགས་དུག་སོགས་རྡོ་སོལ་དང་།། དུར་ཁྲོད་རས་དང་ཏིལ་གྱི་མར།། ར་དམར་སྙིང་དང་ར་ཁྲག་བླུགས།། མིང་དང་རུས་བྲིས་ཐོད་པར་གཞུག། བསེ་ཕོར་ཟངས་གཞོང་གཏོར་མས
95b5 དགང་།། དྲུང་གཞག་སྲོག་སྙིང་ཚད་དུ་གྲངས།། ཨོཾ་དེ་བ་ཏྲི་མང་གན་ཛ་མུ་ས་མུ་ས་མཱ་ར་ན་ཡ་མཱ་ར་ན་ཡ་དགྲ་བོ་ཆེ་གེ་མོའི་སྲོག་བྲེང་བྲེང་ཟུམ་བྷྱོ་ཛ་ཛ། འདི་ནི་རབ་ཏུ་མི་བཛྲར
95b6 ཡང་འགྲུང་སྔགས།། ཐོད་པའི་ནང་དུ་འབུམ་དུ་བཟླས།། ཐོད་པ་ནགས་རྫོང་འཐུག་པོའམ།། རི་ལ་སྦས་ན་རི་མེས་ཚིག་ཁྱད་པར་རྒྱ་མཚོ་ལྟ་བུའམ།། ཆུ་མིག་སྦས་ན་ཆུ་ཡང་ཁོལ།། དགྲ་ཡི་གདུང
iiif viewer powered by OpenSeadragon
