| e-texts navigator |
| Wylie |
8b1 དངོས་གྲུབ་སྩོལ་བ་ལས། དེ་ནས་འཇིགས་བྱེད་ཀྱི་རྒྱལ་པོས་གསང་བའི་མིང་བཏགས་ལག་ཏུ་རྡོ་རྗེ་བྱིན་ནས། བྲན་དང་ཕོ་ཉར་དབང་བསྐུར་རོ།། དེའི་ཚེ་མཐུ་སྟོབས་ཀྱི་བདག་པོ་ཡ་མ་ལག་ན་རྡོ་རྗེ་ཡང་། མདུན
8b2 གྱིས་བལྟས་ཏེ་བཀའ་ནོད་པའི་ཚུལ་དུ་བཞུགས་སོ།། དཔལ་ཟླ་གསང་ནག་པོའི་རྒྱུད་ལས། གླེང་གཞིའི་ལེའུ་སྟེ་དང་པོའོ།། །། དེ་ནས་འཇིགས་བྱེད་ཀྱི་རྒྱལ་པོ་ཁྲག་འཐུང་ཡ་མཱནྟ་ཀ་དེས། ཐུགས་རྗེ་འབྱུང
8b3 བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ།། དེ་ནས་ཁྲོ་མོ་ཆེན་མོ་རོ་ལངས་པེ་ཏཱ་ནག་མོས། ཁྲག་གི་རལ་པ་བསིགས། རང་གི་པདྨ་ལས་ཁྲག་གི་རྒྱ་མཚོ་བསྐྱིལ་ཏེ། འཇིགས་བྱེད་ཁྲག་འཐུང་གི་རྒྱལ་པོ
8b4 ཉིད་ལ་མཆོད་ཅིང་། འདི་སྐད་ཅེས་གླེངས་སོ།། ཨེ་མའོ།། ཕྱོགས་བཅུ་དུས་གསུམ་རྫོགས་པ་ཡི།། འཇིག་བྱེད་ཆེན་པོ་རོལ་པའི་སྐུ།། ཡེ་ཤེས་འདུས་པའི་ཕྲིན་ལས་མཆོག། ཡེ་ཤེས་ཕྲིན་ལས་རྨད་པོ་ཆེ།། ཞེས
8b5 བརྗོད་དོ།། དེ་ནས་འཇིགས་བྱེད་ཀྱི་རྒྱལ་པོ་ཡ་མཱནྟ་ཀ་དེས་བཀའ་སྩལ་པ། ཡེ་ནས་མ་སྐྱེས་གཤིན་རྗེ་ནག་པོའི་ཚོགས།། གཉིས་མེད་ཡེ་ཤེས་འདུས་པའི་གཤིན་རྗེའི་གཤེད།། ཀུན་གྱི་ཡེ་ཤེས་དམ་པ་འདུས་པ
8b6 ཡིན།། ཐུགས་རྗེ་ཆེན་པོས་འགྲོ་བའི་དོན་མཛད་པ།། འཁོར་བའི་ཉེས་སྐྱོན་ཐམས་ཅད་ཚར་གཅོད་པ།། དུས་གསུམ་འདུལ་བའི་དཔལ་ལྡན་གར་གྱི་བདག། འདུས་པའི་ཚོགས་འདི་སེམས་ལྔ་ལྡན་པར་གྱིས།། ཞེས
iiif viewer powered by OpenSeadragon
