| e-texts navigator |
| Wylie |
85a1 སྩལ་འདུད།། དེ་ནས་བཅོམ་ལྡན་འདས་འཇིགས་བྱེད་ཆེན་པོས། ཤིན་ཏུ་རྔམ་པའི་སྒྲ་འབྲུག་སྟོང་ལྡིར་བ་ཙམ་དུས་གཅིག་ལ་བསྒྲགས་ནས། བདུད་ཀྱི་ཚོགས་ཐམས་ཅད་དབང
85a2 དུ་བསྡུས་ཟིལ་གྱིས་མནན་ནས། འདི་སྐད་ཅེས་བརྗོད་དོ།། ཉོན་ཅིག་ཟུང་ཞིག་རྡོ་རྗེ་འཛིན།། ནག་པོ་བདུད་ཀྱི་ཚོགས་རྣམས་ཀུན།། ཕྱིན་ཅི་ལོག་རྣམས་གདུལ་སླད་དུ།། བྱ་བའི་ལས་དང་བསྒྲུབ་པ
85a3 དང་།། བསྟེན་པའི་ཐབས་དང་བསྐུལ་བའི་ཐབས།། མི་མཐུན་སྦྱོར་བས་གསོད་འདོད་ན།། ངས་བཤད་པ་ལ་སེམས་ཐུད་ཅིག། ཅེས་བརྗོད་དོ།། དེ་ནས་བཅོམ་ལྡན་གཤེད་ཆེན་པོས།། ཕྲིན་ལས
85a4 མྱུར་དུ་བྱ་བའི་ཕྱིར།། བདུད་ཀྱི་སྒྲུབ་ཐབས་འདི་གསུངས་སོ།། ཐོག་མར་དང་བའི་དད་པ་རབ་ཏུ་གཅེས།། བཀའ་ཡི་གནས་སམ་དགའ་བའི་གནས་དག་ཏུ།། དབང་ཐོབ་བྱ་ཕྱིར་བླ་མ་མཉེས་བྱ
85a5 ཞིང་།། དཀྱིལ་འཁོར་བྲིས་ནས་དམ་ཚིག་དབང་དག་ནོད།། དགོས་པ་བསྒྲུབ་ཕྱིར་མན་ངག་ཐོབ་པར་བྱ།། མན་ངག་ཐོབ་ནས་བསྙེན་བསྒྲུབ་མཐའ་རུ་དབྱུང་།། བསྙེན་པ་བྱ་ཕྱིར་མཐུན་རྫས་འབད
85a6 དེ་བསག། ལུང་གི་གནས་སུ་ས་ཡི་དཀྱིལ་འཁོར་བྱ།། འདོམ་གང་གྲུ་བཞི་དུག་ཁྲག་ཆག་ཆག་གདབ།། འཁོར་ལོ་རྩིབས་བརྒྱད་གྲུ་གསུམ་ཟླ་གམ་གསུམ།། གྲུ་ཆད་སྒོ་བཞི་ལྕགས་རི་ལུགས་བཞིན
iiif viewer powered by OpenSeadragon
