| e-texts navigator |
| Wylie |
82a1 གཏོར་མ་འདི་ལོངས་ལ།། བསྟན་པ་འཇིག་པའི་གཤེད་མ་མཛོད།། བདུད་པོ་བཅུ་ཡིས་ཁྲམ་ལ་ཐོབ།། གིང་ཆེན་བཅོ་བརྒྱད་ལས་ལ་སྐུལ།། འཆི་བདག་འཁོར་ལོའི་ལག་ཏུ
82a2 གཏོད།། དུས་ལ་བབ་པོ་ས་མ་ཡ།། དམ་ལས་མ་འདའ་ཕྲིན་ལས་མཛོད།། ཅེས་བཅོམ་ལྡན་འདས་འཇིགས་བྱེད་ཆེན་པོས་འཁོར་རྣམས་ལས་ལ་སྐུལ་ཏེ། སོ་སོའི་གཤེད་བསྐོས་སོ།། འཇམ་དཔལ
82a3 ཟླ་གསང་ནག་པོའི་རྒྱུད་ལས། ཕྱོགས་སྐྱོང་གི་གཤེད་བསྐོ་བའི་སྐབས་ཏེ་ལེའུ་ཞེ་ལྔ་པའོ།། །། དེ་ནས་ཡང་བཅོམ་ལྡན་འདས་འཇིགས་བྱེད་ཆེན་པོས། ཉིན་བཞིའི་ལྷའི་གིང་བཞི་ལ་ཕྲིན
82a4 ལས་བཅོལ་བ་འདི་གསུངས་སོ།། རཱ་ཛ་ཧ་ལ་འཁོར་ལོའི་ལྷ།། འཁོར་ལོ་ནག་པོ་མཱ་རའི་བདུད།། དུག་གི་མཚོན་ཆ་སྔགས་ཀྱི་ཐེམ།། རྫས་ཀྱི་སྦྱོར་བ་ཐབས་ཀྱི་ངག། བསྙེན་པ་བྱ་བ་གསང
82a5 བའི་ཐབས།། ཧྲཱིཿཥྚྲྀཿསྦྱོར་ཀ་མ་ཡི་ངག། འཁོར་ལོ་བསྐོར་བ་མན་ངག་གཏེར།། ཟླ་གསང་ནག་པོ་གཅེས་པའི་གྲོགས།། བར་བར་སྤྱི་རྒྱུད་ཐབས་ཀྱིས་ཕུལ།། དམར་ནག་ཁྲམ་བདག་མན
82a6 ངག་ཐབས།། གཤེད་པོ་བདུད་ཀྱི་མན་ངག་གཏེར།། ལས་གྲུབ་གནན་པ་རང་གི་སྙིང་།། དྲང་སྲོང་དམོད་པ་ཕྱོགས་མེད་གྲོགས།། དེ་བཞིན་སྤྱི་རྒྱུད་ཐབས་ཀྱི་ཕུལ།། ཆོས་ཀྱི་རྒྱལ་པོ་ལ་སོགས
iiif viewer powered by OpenSeadragon
