| e-texts navigator |
| Wylie |
74b1 རྒོད་ཀྱི་ལེའུ་སྟེ་བཞི་བཅུ་པའོ།། །། དེ་ནས་འཇིགས་བྱེད་ཆེན་པོས་འདའ་བ་མེད་པའི་དམ་ཚིག་འདི་བཀའ་སྩལ་ཏོ།། ཉོན་ཅིག་ཟུང་ཞིག་རྡོ་རྗེ་འཛིན།། སྙིང་པོའི་དོན་འདི་མི་སྤང་ཞིང་།། རྡོ་རྗེ་སློབ་དཔོན་ཡི
74b2 དམ་ལྷ་ལྟར་བཀུར།། སྔགས་དང་ཕྱག་རྒྱ་མི་འདའ་ལ་སོགས་དཔེ་བརྒྱད་ཤེས།། རྣལ་འབྱོར་ཅན་ལ་མོས་པའི་སེམས།། ཐུགས་ལ་བརྣགས་པས་གནོད་མེད་དབྱུང་མི་བྱ།། འདི་ནི་རྩ་བ་ལྔ་རྣམས་སོ།།
74b3 ཁྱད་པར་རིམ་པ་བསྟན་པ་ནི།། བདག་ཉིད་ཕྱག་རྒྱ་བསྟན་བྱ་ཞིང་།། ལམ་མི་གཟུར་ཞིང་ཕྱག་མི་བྱ།། གཏམ་མི་སྨྲ་བར་སྡིགས་མཛུབ་འཕྱར།། ཆས་བརྒྱད་བརྒྱན་ལ་བགྲོད་དཀར་འགྲོ།། དེ་ལ
74b4 སོགས་ཏེ་དུ་མར་བཤད།། མི་འདའ་བསྲུང་བས་དམ་ཚིག་སྟེ།། འདི་ནི་མཆོག་གི་དོན་དུ་བཤད།། དཔའ་བོ་ཆེན་པོས་བཤད་པའི་དོན།། འདུས་པའི་ཚོགས་ཀྱིས་འདའ་མ་བྱེད།། ཅེས་བཀའ་སྩལ
74b5 ཏོ།། དཔལ་ཟླ་གསང་ནག་པོའི་རྒྱུད་ལས།། དམ་ཚིག་མདོར་བསྟན་པའི་ལེའུ་སྟེ་ཞེ་གཅིག་པའོ།། །། དེ་ནས་ཡང་བཅོམ་ལྡན་འདས་འཇིགས་བྱེད་ཆེན་པོས་འདི་སྐད་ཅེས་གསུངས་སོ།། ཉོན
74b6 ཅིག་ཟུང་ཞིག་རྡོ་རྗེ་འཛིན།། ངས་གསུངས་པ་ལ་སེམས་ཐུད་ཅིག། ལྔ་བརྒྱ་དུས་ཀྱི་ཐ་མ་ལ།། བསྟན་པ་འཛིན་སྐྱོང་བསྲུང་དང་གསུམ།། བསྟན་པ་བཤིགས་པའི་དགྲ་དེ་ལ།། དྲག་པོ་ལས་ཀྱི་མཐར
iiif viewer powered by OpenSeadragon
