| e-texts navigator |
| Wylie |
6b1 འཁོར་ཞལ་ཕྱིར་བལྟས་ནས། བགྲད་དེ་བཞུགས་སོ།། དེ་ནས་བཅོམ་ལྡན་འདས་འཇིགས་བྱེད་ཀྱི་རྒྱལ་པོ་ཡ་མཱནྟ་ཀ་དེ། ཐུགས་རྗེ་ཆེན་པོ་བདུད་རྩི་འབྱུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་བཞུགས
6b2 སོ།། དེ་ནས་ཡེ་ཤེས་ཆེན་པོའི་ཁྱད་པར་ལས་འདི་དག་ཕྱུང་ངོ་།། ཨོཾ་ཡ་མ་ཧཱུཾ། ཨོཾ་བཛྲ་ཨ་མྲྀ་ཏ་མ་ཧཱ་ཨ་མྲྀ་ཏ་མ་ཧཱ་ཀྲོ་དྷ་མ་ཧཱ་ཀྲོ་དྷི། ཡ་མ་ཧཱུཾ་ཕཊ། ཅེས་གསུངས་པས། དྲེགས་པ་ཆེན་པོའི་ཚོགས་དེ་དག་ཁྲག་འཐུང
6b3 ཆེན་པོའི་སྣམས་ནས་འཐོན་ཏེ་དྲན་པ་སླར་རྙེད་དོ།། དེ་ནས་དེའི་དུས་སུ་འཇིག་རྟེན་གྱི་དྲེགས་པ་ཅན་ཐམས་ཅད་དུས་གཅིག་ཏུ་བཏུལ་བར་མཐོང་སྟེ། ཤིན་ཏུ་ཞུམ་ཞིང་བྲེད་ནས། མགྲིན་གཅིག་ཏུ་སྨྲས་པ།
6b4 འབངས་སུ་མཆི། འབངས་སུ་ནན་ཏན་མི་བགྱིད་ན། མགོ་འགས་སྙིང་ཡང་ཚིག་པ་དང་།། རུལ་མྱགས་འཚིག་ནས་བརླག་པ་དང་།། དམྱལ་བར་ལྷུངས་ནས་འབོད་པར་ཤོག། ཅེས་ཁས་བླངས་ནས་འདི་སྐད་ཅེས
6b5 གླེངས་སོ།། འདུས་པའི་འཁོར་ཚོགས་འདི་ལྟ་སྟེ།། ཕྱོགས་བཅུ་དུས་གསུམ་འཁོར་རྣམས་དང་།། ཕྱོགས་སྐྱོང་གཤིན་རྗེ་ཡབ་ཡུམ་འཁོར་རྣམས་དང་།། འཇིག་རྟེན་རླག་བྱེད་འཁོར་རྣམས་གཤེད་བཞི་དང་།། སྟོང
6b6 གསུམ་མུན་པར་གཏིབས་པའི་བདུད་པོ་བདུད་མོ་དང་།། འཇིག་རྟེན་མེས་བསྲེགས་བཙན་པོ་བཙན་མོ་དང་།། སྨྱོ་འབོག་གཏོང་བར་བྱེད་པའི་གིང་གི་འཁོར་ཚོགས་དང་།། དྲག་པོ་གནམ་ལྕགས་ལྷ་དང་སྨན་གྱི
iiif viewer powered by OpenSeadragon
