| e-texts navigator |
| Wylie |
65a1 འཕྲུལ་ཐོག་སེར་དང་།། གསོ་གསད་དབབ་བཅད་གང་བྱེད་ཀྱང་།། རྩ་བ་དམ་ཚིག་ཡང་སྙིང་དང་།། དབྱངས་ཀྱི་ཡང་སྙིང་མཇུག་དག་ལ།། སོ་སོའི་སྲོག་གི་སྙིང་པོ་དང་།། ལས་གང་བྱེད་པའི་སྔགས
65a2 དག་ནི།། འབྲུ་རེ་བཏགས་པས་འགྲུབ་པར་བཤད།། ཕྱི་ནས་བསྙེན་པ་རྫོགས་པ་ན།། ཉམས་སུ་ལོན་དང་གསང་རྒྱབ་དང་།། སུ་ཡང་རུང་སྟེ་ཐེ་ཚོམ་མེད།། བཟླས་པ་ལས་སུ་རུང་བ་དང་།། བརྡབས་ཤིང་སྤྲུགས
65a3 པས་འགྲུབ་པར་བཤད།། ཅེས་པ་གཤེད་པོས་རབ་ཏུ་བཤད།། དཔལ་ཟླ་གསང་ནག་པོའི་རྒྱུད་ལས། སྔགས་ཀྱི་ཡང་སྙིང་འཁྲུལ་འཁོར་གྱི་སྐབས་ཏེ་ལེའུ་སོ་བཞི་པའོ།། །། དེ་ནས་གསད་པ་ལས་ཀྱི་ཡང
65a4 སྙིང་འདི་གསུངས་སོ།། བསྒྲུབ་པའི་དཀྱིལ་འཁོར་དྲི་བ་ཡང་།། འཁོར་ལོ་བཞི་ལ་བེ་ཅོན་བཞི།། འཁོར་ལོ་བརྒྱད་ལ་རལ་གྲི་བརྒྱད།། གོང་རས་རྡོ་རྗེ་བེ་ཅོན་དང་།། རལ་གྲི་ལ་སོགས་དགོད་པར་བྱ།། རྡོ་རྗེ་དག་གི
65a5 མོ་ལ།། མཱ་ར་ཡ་ཡི་མིང་དང་རུས།། གྲུ་གསུམ་ནང་དུ་ལིངྒ་གཞག། ཟླ་གམ་གསུམ་ལ་རྫས་གཞག་པ།། ནག་པོ་དག་ལ་དུག་ཐུན་གཞག། དམར་པོ་དག་ལ་ཁྲག་ཐུན་གཞག། སེར་པོ་དག་ལ་ཉུང་ཐུན
65a6 གཞག། འཁོར་ལོ་དེ་དག་ཁ་དོག་ཀྱང་།། གྲིར་ཤིའི་ཁྲག་གིས་དམར་པོར་བྱུག། མེད་ན་ར་དཀར་གཉའ་ནག་གི་ཁྲག་གིས་དམར་པོར་བྱུག་པར་བྱའོ།། ཡང་ན་ར་རོག་གླང་རོག་གམ། ཁྱི་ནག་སྙིང་དཀར་ཁྲག་གིས
iiif viewer powered by OpenSeadragon
