| e-texts navigator |
| Wylie |
64b1 གསུངས།། སྔགས་བདུན་འགྱུར་སྔགས་དག་གི་ཚད་མ་ནི།། བདག་གི་ཚད་མ་དག་ནི་ཏིང་ངེ་འཛིན།། ཡེང་ཡེང་སེང་སེང་བྱེད་ན་ཡེ་མི་འགྲུབ།། མྱོས་ཤིང་གཉིད་ཆེ་འཐིབས་པ་ན།། སྒྲིབ་པས་ཕོག་པས་བཤགས་པ
64b2 བྱ།། སྙིང་འཕྱོ་མི་དགའ་སྔགས་ནོར་དང་།། འབྲུ་ཆད་མ་ཚང་བ་རུ་བཤད།། ཚིག་ཚིག་གསལ་ན་ཐེབ་པ་ཡིན།། དགའ་ཞིང་གསལ་ན་འགྲུབ་པ་ཡིན།། དགྲ་བོའི་ཚད་མ་བཀའ་སྩལ་པ།། མི་གོ་མི་གསལ་བྱིང་བ
64b3 ནི།། རྒྱབ་བརྟེན་ཡོད་པས་མྱུར་མི་འགྲུབ།། བདག་པས་ཁོ་དག་ཟོར་མཐོ་ན།། བརྒྱབ་པས་མ་མོར་བསྐང་བཟློག་བྱ།། གཡག་རུ་བྱུང་ནས་གསད་ན་ལོ་རུ་འགོར།། ཏིང་འཛིན་གསལ་ཞིང་དངོས་བྱུང་ན།། ལོ་ཕྱེད
64b4 ན་ཆོད་འགྲུབ་པར་བཤད།། ཏིང་འཛིན་གསལ་ཞིང་འཚིག་བྱེད་ན།། ཟླ་བ་ཚུན་ཆོད་འཆི་བར་བཤད།། དེ་ནི་མི་འགྱུར་བ་ཡི་རྟགས།། ཕྱི་མ་རྣམས་ནི་ཡིད་མི་བརྟན།། གཡོན་གྱི་དྲིལ་སྔགས་དམ་ཚིག་ཡང་སྙིང
64b5 ལས།། སྔགས་འདི་དྲིལ་ལ་བྱ་བར་བཤད།། རྩ་བ་ཡང་སྙིང་དྲུག་པོ་དང་།། འབྲུ་དགུ་བོ་ནི་སྐུ་བསྐྱེད་དང་།། དེ་དག་ཉེ་བར་བསྙེན་པའོ།། སྲོག་གི་རྩ་བ་མཇུག་སྡུད་དོ།། ཡང་སྙིང་བསྒྲུབ་དང་ལས་བསྒྲུབ
64b6 པའོ།། དབྱངས་དང་དམ་ཚིག་དེ་ཁོ་ཉིད།། ལས་དེ་གང་བྱེད་མཇུག་ལ་གདགས།། སྨྱོ་འབོག་ལྐུགས་པ་ལྷོག་པ་དང་།། ཕོ་ལོག་གླང་འཐབ་གཟེར་ནད་དང་། ཁྲག་སྐྱུག་རིམས་ནད་མཛེ་ཤུ་དང་།། ལྟས་ངན་ཆོ
iiif viewer powered by OpenSeadragon
