| e-texts navigator |
| Wylie |
60b1 ནས།། དམ་ཚིག་ཕྱག་རྒྱ་རབ་བསྟན་ཅིང་།། དམ་ཚིག་སྙིང་པོ་རབ་ཏུ་བཟླས།། དེ་བཞིན་དམ་ལས་མི་འདའ་དང་།། དམ་རྫས་མཆོད་པས་མཉེས་བྱེད་དང་།། ལས་ཀྱི་ཕྱག་རྒྱ་བཅའ་བ་དང་།། དམ་ཚིག་བསྐུལ་ཏེ
60b2 ལས་ཀྱི་གཉེར་གཏད་དང་།། མནས་བསྒྲགས་རྣམས་ཀྱིས་གཏད་པའི་ལས་རྫོགས་ཏེ།། འཁོར་ལོ་སྦ་བའི་དུས་སུ་ཡང་།། གཤིན་རྗེ་དག་ལ་གཏད་པ་ནི།། དྲང་སྲོང་དམོད་པའི་སྨོན་ལམ་གདབ་པར་བྱ།། དེ་ལ
60b3 མནན་རྫས་བསག་པ་ནི།། མི་ཁྲག་ར་ཁྲག་དུག་ལ་སོགས།། ཕོ་རོག་འུག་པ་དུ། པུ་ཤུད་སྒྲོ།། སྲིན་བྱའི་སྙིང་དང་འུག་པའི་མིག། བཙོང་དང་ལ་ཕུག་སྐེ་ཚེ་དང་།། གཡེར་མ་བྲ་འོ་སྒ་དང་ནས།། དེ་ལ་སྔགས་ཏེ
60b4 གནན་པའོ།། སྤྱིར་ན་གནན་པའི་ལས་བྱས་ན།། གཤེད་པའི་དགོངས་པས་གནན་པ་དང་། ཕྱག་རྒྱའི་སྟོབས་ཀྱིས་གནན་པ་དང་།། གཏད་ཁྲམ་བཅུ་གཉིས་ཆོ་གས་གནན་པ་དང་།། ཡ་སྟགས་གདུགས་པས་གནན་པ
60b5 དང་།། དེ་དག་རྫས་ཀྱིས་གནན་པའོ།། དྲག་པོའི་སྔགས་ཀྱིས་གནན་པ་དང་།། སྨོན་ལམ་གདབ་ཅིང་གནན་པ་དང་།། དྲང་སྲོང་དམོད་པའི་གནན་པའོ།། འདི་ནས་ལྷོ་ཡི་ཕྱོགས་རོལ་ན།། དཔག་ཚད་བརྒྱད་ཁྲི་བཞི
60b6 སྟོང་ཕ་རོལ་ན།། ཐོད་པ་ལྕགས་ཀྱི་གྲོང་ཁྱེར་ན།། ཡི་དྭགས་ཀུན་གྱི་སྡེ་དཔོན་པོ།། མ་མོ་ཀུན་གྱི་ཚོགས་རྗེ་མོ།། གསོན་གཤིན་གཉིས་ཀྱི་ཟམ་ཁ་བ།། གསོན་པོ་སྐོས་ལ་འདེབས་པ་པོ།། ཤི་བ་རྣམས་ཀྱི་གཤིན
iiif viewer powered by OpenSeadragon
