| e-texts navigator |
| Wylie |
60a1 བཅིང་།། མིག་རྩ་རིག་རིག་འ་དོད་འབོད།། ཅི་མཛད་ཟོང་ཞིག་ཟེར་ཞིང་མནན་པར་བསམ།། འཁོར་ལོ་བྲི་བའི་དུས་སུ་ཡང་།། དམིགས་པའི་མིང་དག་གཞུག་པ་ནི།། འཁོར་ལོ་ཉིད་ལ་མི་ཤོང
60a2 ཞིང་།། མི་བཏུབ་པ་རྣམས་གུད་དུ་བྲི།། དེ་དག་བྲིས་ཏེ་གདགས་པར་བྱ།། གནས་དང་ཐབས་ནི་འདི་ཡིན་ཏེ།། ཡ་ལ་སོགས་པའི་ཡི་གེ་ལྔ།། གྲ་བཞི་ཧཱུཾ་ཕཊ་བར་མཚམས་བཞི།། རྩིབས་ཀྱི་རེའུ་ཆ་བཅུ་གཉིས
60a3 དང་།། མཐའ་བསྐོར་མིང་རུས་ལེའུ་ཙེ་བརྒྱད།། དེ་དག་ཉི་ཤུ་རྩ་དགུ་ལ། གུད་དུ་མིང་གི་མཇུག་ཏུ་ཡང་།། མཱ་ར་ཡ་ཞེས་བྲིས་པའི་འཁོར་ལོ་གཉིས། ཁ་སྦྱར་བ་ཡི་ནང་དུ་གཞུག། འཁོར་ལོ་སྐུད་པས་སྦྲེལ་ལ
60a4 བཞག། ངན་སྔགས་བཟླས་པའི་དུས་སུ་ཡང་།། བཞི་པའི་ངན་སྔགས་ཁྲི་ཕྲག་འདོན།། དེ་དག་བཏོན་པའི་རྗེས་ལ་ཡང་།། ཡི་གེ་བཅུ་པ་ནུས་ཚད་བཟླས།། དེ་ཚེ་མཆོད་པ་འབུལ་བ་དང་།། དེ་ཚེ་གཏོར་མ་གཏོང་བ
60a5 དང་།། ཡེ་ཤེས་ལྷ་ལ་ཐུགས་དམ་བསྐལ།། ལས་ཀྱི་གཤིན་རྗེ་མ་མོ་རྣམས།། རཀྟ་གསོལ་ཞིང་དགུག་པའི་པའི་ཕྲིན་ལས་བྱ།། འཁོར་ལོ་སྦེད་པའི་དུས་སུ་ཡང་།། གཤིན་རྗེ་དག་ལ་གཏད་པ་ནི།། རྫས་ཀྱི་མཆོད་པ
60a6 བཤམས་པ་དང་།། བདག་ཉིད་གཤེད་པོར་བསྒོམ་པ་དང་།། འཆི་བདག་དགོངས་སུ་གསོལ་བ་དང་།། རང་གི་ལས་ཀྱི་ལྟང་བརྩི་དང་།། བསྒྲུབ་བྱའི་ཆད་པ་བརྩི་བ་དང་།། གཤིན་རྗེའི་རྒྱལ་པོ་སྤྱན་དྲངས
iiif viewer powered by OpenSeadragon
