| e-texts navigator |
| Wylie |
5b1 གཡོགས་པར་བཀབ་པ། ཡུམ་རོ་ལངས་ཁྲོས་པའི་རྒྱལ་མོ་དང་གཉིས་སུ་མེད་པར་བཞུགས་སོ།། ཤར་ཕྱོགས་ཀྱི་ཟླ་གམ་ལ་སྒྲོལ་བྱེད་ཨེ་ཀ་ཛཱ་ཊི་བཞུགས་སོ།། མདུན་གྱི་ཟླ་གམ་ལ། སྲས་མཆོག་ཡ་མ་རཱ་ཙ
5b2 བཞུགས་སོ།། འཁོར་ལོའི་རྩིབས་བཞི་ལ་གཤེད་བཞི་སྟེ། ཤར་ཕྱོགས་ཀྱི་འཁོར་ལོའི་རྩིབས་སུ་གཤེད་པོ་ཡ་མ་རཱ་ཙ་སྟེ། སྐུ་མདོག་སྔོ་ནག་འཇིགས་པའི་གཟུགས།། ཞལ་གཅིག་པ་ལ་ཕྱག་གཉིས་ཏེ།། གཡས་པ
5b3 གཤིན་རྗེའི་ཞིང་དབྱུག་ཐོགས།། གཡོན་ན་མཚོན་ཆེན་འཁོར་ལོའོ།། གསུམ་ཡང་ཕྱག་མཚན་དེ་བཞིན་ཤེས།། ལྷོ་རུ་མྱོས་བྱེད་འབར་བ་སྟེ།། ཞལ་གཅིག་ཕྱག་གཉིས་སྐུ་མདོག་སེར་ནག་གོ། ནུབ་ཏུ་ཨཱརྱ་མ་རུ
5b4 ཙེ།། ཞལ་གཅིག་ཕྱག་གཉིས་སྐུ་མདོག་དམར་ནག་གོ། བྱང་དུ་རལ་པ་ཚར་དགུ་སྟེ།། ཞལ་གཅིག་ཕྱག་གཉིས་སྐུ་མདོག་ལྗང་ནག་གོ། དཀྱིལ་འཁོར་ཀུན་བྱང། ཀྱང་། གསལ་བར་སྣང་བ་ལས། དེ་ནས་དྲེགས་པ
5b5 ཆེན་པོ་རྣམས། གདུག་པའི་སེམས་ཀྱིས་གཏུམ་པའི་རྫུ་འཕྲུལ་ཆེན་པོ་སྣ་ཚོགས་སྟོན་པས། མགྲིན་གཅིག་ཏུ་གདུག་པའི་ང་རོས་དྲེགས་པའི་ཚིག་ཏུ་སྨྲ་བ། ཐོང་ཟོང་སྙིང་རྗེའི་བདག་པོ་ཅི་བྱེད་ཟེར་ཞིང་། ཁེངས་པའི
5b6 སེམས་ཀྱི་རྔམ་མོ།། དེ་ནས་འཇིགས་བྱེད་ཀྱི་རྒྱལ་པོས། སྐུའི་གཟི་བརྗིད་ཆེ་བའི་གཟི་མདངས་ཕྱུང་སྟེ། ཐུགས་རྗེ་ཆེན་པོས་འདུལ་བའི་ཐབས། གསང་སྔགས་རྔམ་པའི་གདངས་སྐད་ཆེན་པོ་འདི་བཏོན་ཏོ།། ཧཱུཾ་ཧཱུཾ་ཧཱུཾ།
iiif viewer powered by OpenSeadragon
