| e-texts navigator |
| Wylie |
56b1 པར་བྱ།། ལྷ་སྲིན་སྡེ་བརྒྱད་ལ་སོགས་པའི།། སྲིད་པའི་དམག་དཔུང་ཕབ་ནས་ནི།། དྲང་སྲོང་དམོད་པའི་སྔགས་ཟོར་དང་།། སྣ་ཚོགས་སྔགས་ཀྱི་སྦྱོར་བ་དང་།། ལྷ་ཡི་རྣལ་འབྱོར་ལྡན་པས་བྱ།། ཁྲུ་གང་གྲུ་བཞི
56b2 ཟབས་ཡོད་པར།། གའུ་རྫས་ཀྱི་སྦྱོར་བ་དེ།། འབྱུང་པོའི་གཏོར་མ་གཤིན་རྗེ་ལ།། བྱིན་ལ་ལག་ཏུ་གཏད་ཁྲམ་བྱ།། རང་གི་ཡི་དམ་བསྒོམ་བྱ་ཞིང་།། བྱིན་གྱིས་བརླབས་པའི་གཏོར་མ་ནི།། ས་སྲོས་ཚེ་ན་ལྷོ་ཕྱོགས
56b3 གཏང་།། སྒྲོལ་བའི་དྲག་སྔགས་བརྣག་པའི་ལུང་།། བསྟན་པའི་བསྲུང་བ་གནན་པའི་གཏེར།། ཕྲིན་ལས་དྲག་པོ་སྔགས་ཀྱི་མཚོན། འཁོར་ལོ་ཐུན་སྡེབས་སྒྲོལ་བའི་འཕྱོང་།། རྡོ་རྗེ་སེམས་དཔའ་གཟུངས་ཤིང
56b4 ཆོངས།། དཔལ་ཟླ་གསང་ནག་པོའི་རྒྱུན་ལས།། འཁོར་ལོ་ཐུན་སྡེབས་ཀྱི་སྐབས་ཏེ་ལེའུ་སུམ་ཅུ་པའོ།། །། དེ་ནས་གཤིན་རྗེ་གཤེད་པོས་འདི་སྐད་བརྗོད།། བསྟན་པ་སྲུང་བ་བརྣག་པའི་ལུང་།། ཐུགས་ཀྱི
56b5 མན་ངག་སྔགས་ཟོར་མཆོག། སྒྲོལ་བའི་ཕྲིན་ལས་སྦྱོར་ཐབས་སུ།། འཁོར་ལོ་བྱད་སྡེབས་མན་ངག་འཕྱོང་།། བཀའ་ཡི་བསྟན་པ་བསྲུང་བའི་ཕྱིར།། རང་སེམས་དག་པའི་རྣལ་འབྱོར་པས།། སྙིང་རྗེ་རྟག་ཏུ་སྲོག་ལྟར
56b6 བརྟེན།། བྱམས་དགའ་བཏང་སྙོམས་དེ་བཞིན་དུ།། མདོ་སོགས་འདོན་ཞིང་བསམ་གཏན་བྱ།། རྒྱུན་གྱི་ཡི་དམ་རྩེ་གཅིག་པས།། བླ་མ་དག་ལ་རྟག་ཏུ་བཀུར།། དེས་ཀྱང་དཀྱིལ་འཁོར་ཚུལ་བཞིན་གཞུག། ཐེག་ཆེན
iiif viewer powered by OpenSeadragon
