| e-texts navigator |
| Wylie |
55b1 སོགས་པའི།། ལས་ཀྱི་ཤན་པའི་གོ་བཀྲམ་སྟེ།། ལྕགས་ཀྱུ་ཤག་ཏི་ཏོ་མ་ར། ཁ་ཏཱཾ་བེ་ར་ཀ་ལ་སོགས་པས།། བརྡེག་ཅིང་འཇོམས་པར་བྱེད་པ་ནི།། འཛབ་ཅིང་རྒུད་ཅིང་འདོད་པ་དང་།། འཛིན་ཅིང་གསོད་པར་བསམ
55b2 པ་ཡིས།། གང་ལ་བྱ་བའི་རྣམ་ཤེས་དེ།། ལོག་པའི་སྟབས་ཀྱིས་གནས་སུ་མཐོང་། ཁྲོ་བདག་གཤིན་རྗེ་གཤེད་པོ་རུ།། བདག་ཉིད་བསམ་པའི་རྣལ་འབྱོར་གྱིས།། མཚན་མའི་མིང་རུས་བཅས་པ་ལ།། སྐེ་ཚེ་དུག་དང
55b3 ཉུང་ནག་དང་།། ཐལ་ཆེན་གུ་གུལ་ཉུང་དཀར་གྱིས།། བྲབ་དང་གཟིར་དང་དབབ་པ་དང་།། དགུག་ཅིང་རྡོ་རྗེའི་མཚོན་གྱིས་གདབ།། སྔོན་དམར་བྱད་དུ་གཞུག་བྱས་ལ།། གའུ་ཁ་སྦྱར་ནང་དུ་གཞུག། སྒྲ་བཅད་ཞི
55b4 ཁྲོའི་སྔགས་བཟླས་པའི།། དྲག་པོའི་སྔགས་ཀྱི་ཕོག་འགྱུར་ན།། གང་ལ་དམིགས་པའི་བསྒྲུབ་བྱ་སྟེ།། མགོ་འཁོར་བ་དང་ཁྲག་སྐྱུགས་པ།། མྱོས་པར་མ་ར་གདོན་མི་ཟ།། དྲག་པོའི་ལས་རྣམས་རྫོགས་པ་དང་།
55b5 མཚན་མ་མིང་རུས་བཅས་པ་རྣམས།། ཐོད་པ་ནག་པོར་རྒྱས་བཏབ་ལ།། སྨེ་བས་བཀྲུས་པས་ཚན་ཆུས་བྱུག། མུ་ས་ལ་ཡི་གཡོགས་ཤིང་གཏུམ། ཁ་རལ་མ་ཡི་ཞབས་མས་གྲིལ།། ཡི་དྭགས་གྲོང་ངམ་སྨེ་བཙོག
55b6 ཁྱིམ།། མཆོད་རྟེན་འོག་གམ་ལྷ་ཁང་སྒོ།། རྒྱ་མཚོའི་འགྲམ་མམ་ལུང་མདོ་རུ།། རྡོ་ལ་རི་རབ་གཟུགས་བྲིས་ལ།། སྟེང་དུ་ལཾ་དང་དྷཱི་ཡིས་དྲི་ཡང་མནན།། གཤིན་རྗེའི་ལག་ཏུ་གཏད་ཁྲམ་བྱ།། ཐུན་ཁ་བརྒྱད་ཀྱང་བརྡེག
iiif viewer powered by OpenSeadragon
