| e-texts navigator |
| Wylie |
54b1 མཐུན་རྫས་ནི།། རིམ་པ་ཅན་གྱི་དེ་ཤེས་བྱ།། དེ་ལ་འཁོར་ལོ་ཞེས་གྲགས་པ།། ངོ་བོ་ངེས་ཚིག་རྣམ་གྲངས་སོ།། ངོ་བོ་སྤྱི་ཡི་མཚན་ཉིད་ནི།། རྣམ་པ་གཞན་དུ་འགྱུར་ཞིང་འགྲོ།། སོ་སོ་རང་གི་མཚན་ཉིད་ནི།། གང་ལ
54b2 བཏབ་པ་དེ་ལྟར་སྣང་།། ངེས་པའི་ཚིག་ཀྱང་དེ་བཞིན་ཏེ།། རྣམ་པར་འགྱུར་ཞིང་འགྲོ་བ་དང་།། མི་འཁོར་འཁོར་ཞིང་འགྲོ་བ་དང་།། ལྟེ་བ་འཁོར་ཞིང་རྩེ་མོས་གཅོད།། དེ་ལ་གྲངས་ནི་མཐའ་ཡས་ཏེ།། མདོར་ན་རྣམ
54b3 པ་གསུམ་དུ་ཤེས།། ཐུགས་རྗེ་སྤྲུལ་པའི་འཁོར་ལོ་དང་།། ལས་དང་སྲིད་པའི་འཁོར་ལོ་དང་།། འཇིག་རྟེན་ཕན་གནོད་བྱེད་པ་ཡི།། བྱ་བ་བསྒྲུབ་པའི་འཁོར་ལོའོ།། དཔེར་ན་མོ་འཕང་མགལ་མེ་དང་།། གློག་དང་སྒྲ
54b4 ལྡན་འཁོར་ལོ་དང་།། ཤིང་རྟ་ཟོ་ཆུའི་འཁོར་ལོ་སོགས།། ལས་དང་འབྲས་བུའི་མཚན་ཉིད་ནི།། ཐུགས་རྗེ་སྤྲུལ་པའི་འཁོར་ལོས་ནི།། ཉོན་མོངས་གཅོད་ཅིང་སྡུག་བསྔལ་འཇོམས།། བསྒྲུབ་དང་བསྒྲུབ་པར་བྱ་བ
54b5 ཡི།། སེམས་བསྐྱེད་པ་དང་རྒུད་དགྲོལ་ཞིང་།། ཡེ་ཤེས་སེམས་མཚོན་རྣམ་གྲོལ་བྱེད།། དེ་ལས་རྣམ་པ་གཞན་དུ་ཡང་།། ཞི་དང་རྒྱས་དང་སྲུང་བ་དང་།། དགུག་དང་དབང་དུ་བྱ་བ་དང་།། དབྱེ་བསྐྲད་དགུག་དང་སྐྱོ
54b6 འག་དང་།། གསད་དང་མནན་པ་ལ་སོགས་པ།། དེ་ཡི་རྐྱེན་དང་རྩོལ་བ་དང་།། དུས་དང་ལས་ཐབས་བྱེད་པ་ཡི།། འཕེན་ཞིང་བསྐྱོད་པ་ནུས་པ་ཡི།། འཁོར་ཞིང་གཅོད་ཅིང་འབིགས་པ་དང་།། བསྣུར་དང་འཁྲུལ
iiif viewer powered by OpenSeadragon
