| e-texts navigator |
| Wylie |
52b1 བཞིན།། གང་ལ་བྱ་བ་བརླག་པར་བསམ།། དེ་བཞིན་དམར་ཐག་ཆད་པ་དང་།། གཤེད་ཆེན་ཨཱརྱ་མ་རུ་ལ།། ཤ་ཁྲག་མཉེས་པའི་མཆོད་པ་དབུལ།། བེ་ཅོན་མགྲིན་པར་བརྒྱབ་པ་ཡི། ཁྲག་ཙར་ལྕུག་གིས་སོང་བར
52b2 བསམ།། བདག་གི་ཐུགས་ཀར་ཡི་གེ་ཡ།། དྲག་སྔགས་འབྲུ་བདུན་བསྐོར་བ་ལ།། གསད་པ་ལས་ཀྱི་སྔགས་བཟླས་ཏེ།། ཨོཾ་ཧྲཱིཿཥྚྲྀཿབི་ཀྲྀ་ཏཱ་ན་ན་ཤ་ཏྲུཾ་ནཱ་ཤ་ཡ་ཧཱུཾ་ཕཊ།། ཡ་ཀྵེ་ཡ་ཙྪ་ནི་རཱ་མ་ཡ།། ཆེ་གེ་མོ་ཨ་མུ་ཀཾ་མཱ་ར
52b3 ཡ་ཧཱུཾ་ཕཊ། ཅེས་བརྗོད་པས།། འོད་ཟེར་བདག་ལ་ཕོག་གྱུར་པས།། རང་དབང་མེད་པར་བསྐུལ་ནས་ཀྱང་།། དེ་ཡིས་རལ་པ་ཚར་དགུ་བསྐུལ།། དེ་ཡིས་ཕྱོགས་སྐྱོང་གཤིན་རྗེ་བསྐུལ།། དེ་བཞིན་མ་མོ་མཁའ་འགྲོ།
52b4 དང་།། གིང་ཕོ་གིང་མོ་བདུད་ལ་སོགས།། འདུག་པའི་དབང་མེད་བསྐུལ་བར་བསམ།། གཟས་པ་བཀུག་ནས་ཐོད་པར་བཅུག། དེ་བཞིན་བསད་པའི་སྔགས་བཟླས་པས།། སྟར་ཚན་རྩི་སྦུར་མི་ཆགས་བཞིན།། གང
52b5 ལ་བྱ་བ་བརླག་པར་བསམ།། དགོང་ཀའི་དམར་ཟག་ཆད་པ་དང་།། གཤེད་ཆེན་རལ་པ་ཚར་དགུ་ལ།། ཤ་ཁྲག་སྣ་ཚོགས་གཏོར་མ་སྦྱིན།། དྲག་པོའི་ཕྲིན་ལས་བཅོལ་བསྐུལ་བྱ།། དེ་བཞིན་བེ་ཅོན་ཕྱག་རྒྱ
52b6 ཡིས།། སྙིང་ཁར་བརྒྱབ་པས་སྲོག་བཅད་ནས།། དབུགས་ཀུན་ཕྱི་ལ་ཕྱུང་བར་བསམ།། གསད་པ་མ་རའི་མན་ངག་འདི།། གཤིན་རྗེ་གཤེད་པོ་བདག་གིས་ཀྱང་།། ཐུགས་ཀྱི་སྒྲོམ་བུ་ཁ་ཕྱེ་ནས།། རྡོ་རྗེ་འཛིན་པ་ཁྱོད
iiif viewer powered by OpenSeadragon
