| e-texts navigator |
| Wylie |
51a1 སྔགས་འདི་རབ་ཏུ་བརྗོད།། ཨོཾ་ན་མོ་བུདྡྷ་དྷརྨ་སང་གྷེ་བྷྱཿསརྦ་ཏ་ཐཱ་ག་ཏ་ཀྲོ་དྷ་བི་ཛཱ་ཡ་ཨགྣི་ཛ་ལ་ནི་ཛ་ཧཱ་པྲེ་ཏ་ཤི་ཡ་ཧཱུཾ་ཧཱུཾ་ཕཊ་ཕཊ་ཅེས་བརྗོད་པས། རི་རབ་རྒྱ་གྲམ་གཤག་བསམ་ཞིང་།། གནས་ཀྱི
51a2 གཤིན་རྗེ་འགུགས་བསམ་ཞིང་།། ཐུགས་ཀའི་ཡི་གེ་ཡ་ནག་པོ།། ཐ་མ་དབང་སྡུད་སྔགས་ཀྱིས་བསྐོར་བ་ལས།། འོད་ཟེར་འཕྲོས་པས་འོག་ཕྱོགས་སུ།། འཆི་བདག་གཤིན་རྗེ་གཙོ་བོ་འཁོར།། འབུམ་ཕྲག་བཅས་ལ
51a3 འོད་ཕོག་པས།། རང་དབང་མེད་པར་དེ་བཀུག་ནས།། དེ་ལ་ཤ་ཁྲག་སྣ་ཚོགས་ཀྱིས།། གཏོར་མ་རྫས་ཀྱིས་མཆོད་པར་བྱ།། བྷནྡ་འབྲུབ་ཁུང་ནང་བཅུག་ལ།། དབང་དུ་བསྡུ་བའི་སྔགས་བཟླས་ལ།། བདག་ལས
51a4 འཕྲོས་པའི་གཤེད་པོ་དག། གྲངས་མེད་འཕྲོས་པས་འཆི་བདག་ཚོགས།། རང་དབང་མེད་པར་བཀུག་བྱས་ཏེ།། ཐོད་པའི་ནང་དུ་བཅུག་པ་ལ།། ཞབས་གཡས་རྡོ་རྗེའི་ཕུར་པ་ཡིས།། གཟིར་བས་སྐད་ངན་འོ་དོད
51a5 འབོད།། རང་དབང་མེད་པར་དབང་དུ་བསྡུས།། བཀའ་ཉན་ཅི་གསུང་བརྗོད་པར་བསྒོམ།། སྐུ་རེངས་དང་པོ་ཤར་བ་ལ།། འཆི་བདག་གཤིན་རྗེ་འཁོར་བཅས་ལ།། གཏོར་མ་བྱིན་ཏེ་གཤིན་རྗེ་ཉིད།། ཕོ་ཉར་བཀྱེ་ལ
51a6 དགྲ་བོ་འགུག། ལྷ་དང་དཔྲལ་ལ་སོགས་པ་བྱ།། ཉི་མ་རྩེ་ལ་ཤར་བ་དང་།། བྷནྡ་དཀྱིལ་འཁོར་གྲུ་གསུམ་སྟེང་དུ་གཞག། དེ་བཞིན་བསད་པའི་སྔགས་བཟླས་ཏེ།། བདག་ཉིད་ཐུགས་ཀར་ཡི་གེ་ཡ།། སྔོ་ནག་གནག
iiif viewer powered by OpenSeadragon
