| e-texts navigator |
| Wylie |
46b1 ཕྱོགས་སོ།། གཉིས་ཀ་རྣལ་མར་བྲིས་གྱུར་ན།། ཡབ་ཡུམ་ཚོ་རོ་ལ་སོང་གྱུར་ཏེ།། འཁོར་ལོ་ལོག་ནས་རྣལ་འབྱོར་ཕུང་།། དེ་ལ་དགུག་དང་གནན་དང་མྱོས།། བསྐྲད་དང་མྱོས་འབྲོས་ལ་སོགས་པ།། ཟླ་གསང
46b2 ལས་ལས་ཤེས་པར་བྱ།། དེ་ལྟར་འཁོར་ལོ་བྲི་བ་དང་།། རབས་ཆད་ཕོ་མོའི་ཐོད་པ་དང་།། འཁོར་ལོ་གོང་མ་ལྟར་བྲིས་ལ།། དེ་ཡི་བར་དུ་བཅུག་བྱས་ལ།། ཚོན་སྐུད་ནག་པོས་ཕྱོགས་བཞིར་བཅིངས།། གཞན་ཡང
46b3 ཞི་རྒྱས་ལས་བྱེད་ན། ཁམ་སའི་གབ་ཅེར་གོང་བཞིན་བཞུག། སོ་སོའི་རིགས་ཀྱི་གཟུངས་ཐག་གདགས། དེ་ཡིས་གང་ཡང་གདོན་མི་ཟ།། ལས་རྣམས་འགྲུབ་ཅེས་གཤེད་པོས་གསུངས།། དཔལ་གཤིན་རྗེ་ཟླ་གསང
46b4 ནག་པོའི་རྒྱུད་ལས། འཁོར་ལོ་བཅའ་གཞིའི་སྐབས་ཏེ་ལེའུ་ཉེར་གཉིས་པའོ།། །། དེ་ནས་ཡང་བཅོམ་ལྡན་འདས་འཇིགས་བྱེད་ཆེན་པོས་འདི་སྐད་ཅེས་གསུངས་སོ།། དང་པོར་ཏིང་འཛིན་རྣམ་གསུམ
46b5 གྱིས།། ལས་ཀྱི་བྱ་བ་གཞན་ཟིན་ནས།། ཏིང་ངེ་འཛིན་ལ་རབ་འཇུག་པ།། ངས་གསུངས་པ་ལ་སེམས་ཐུད་ཅིག། ཧཱུཾ། ལོག་རྟོག་གཟུང་འཛིན་འཁྲུལ་པའི་ཆོས་ཉིད་དེ།། སེམས་ཀྱི་བརྟགས་པས་ཅིར་ཡང་མི་སྣང
46b6 སྟེ།། མི་གཡོ་མི་བསམ་ཆོས་ཀྱི་དབྱིངས་ཉིད་དང་།། རིག་པ་སྤྲོས་བྲལ་མི་རྟོག་བསྒོམ།། ཨོཾ་མ་ཧཱ་ཤཱུ་ནྱ་ཛྙཱ་ན་བཛྲ་སྭ་བྷ་ཝ་ཨཱཏྨ་ཀོ&ཧཾ། ཧཱུཾ། དབྱིངས་ཉིད་ནམ་མཁའ་སྟོང་པའི་རང་བཞིན་ལས།། རང་སེམས་མཾ་ལས
iiif viewer powered by OpenSeadragon
